| e-texts navigator |
| Wylie |
261a1 བསྟན་དུ་མེད་པས་བསྟན།། དེ་བཞིན་ཉིད་ཀྱི་སྙིང་པོ་ཉིད།། འདི་ཞེས་པ་ནི་བསྟན་དུ་མེད།། སུས་ཀྱང་འདི་འདྲ་གསུངས་པ་མིན།། འདི་ཞེས་བསྟན་དུ་སངས་རྒྱས་ཉིད་ཀྱིས་མེད།། ལྕགས་ཀྱི་སྒོམ
261a2 བུ་ཐེབ་རྒྱས་བཏབ་པ་བཞིན།། ནོར་གཟུང་དམ་པ་ཁྱད་པར་བསྟན་པ་དཀའ།། དེ་བཞིན་ཉིད་ལ་དབྱིབས་དང་ཁ་དོག་མེད།། མེད་པའི་དོན་ལ་ཡེ་ནས་བལྟར་མེད་འདི་ཞེས་མཐའ་ལས་འདས།། བསམ་འདས་དེ
261a3 དོན་སངས་རྒྱས་ཉིད་ཀྱི་ཐུགས།། འདི་འདྲ་བསྟན་དུ་སངས་རྒྱས་ཉིད་ཀྱིས་མེད།། དེ་བཞིན་དེ་ལ་བཤད་བརྗོད་མཐའ་དང་བྲལ།། འདི་འདྲས་བསྟན་མེད་སྙིང་པོ་དོན་གྱི་མཆོག། མཚོན་ཅིང་དཔག་དཀའ་སྙིང་པོ
261a4 རྡོ་ཡི་ཚུལ།། དེ་བཞིན་གཏིང་དཔག་བཅད་དཀའ་འདི་ཞེས་བསྟན་དུ་མེད།། ཡོད་མེད་མཐའ་ལས་འདས་པ་སྙིང་པོ་མཆོག། ཅིར་ཡང་བསྟན་མེད་ནམ་མཁའི་ངང་།། དེ་བཞིན་དེ་ལ་འདི་ཞེས་བསྟན་དུ་མེད།། ཡོད
261a5 མེད་མཐའ་བྲལ་སྙིང་པོ་དོན་གྱི་མཆོག། ཅིར་ཡང་བསྟན་མེད་ནམ་མཁའ་དག་པའི་ངང་།། དེ་བཞིན་དེ་ལ་འདི་ཞེས་བསྟན་དུ་མེད།། ཅེས་རྩ་བའི་རྒྱུད་ལས། འདི་ཞེས་བསྟན་དུ་མེད་པའི་ལེའུ་སྟེ་བཅུ་དྲུག
261a6 པའོ།། །། དེ་ནས་སྟོན་པས་འཁོར་རྣམས་ལ།། བླ་མེད་རྫོགས་ཆེན་དོན་འདི་ལ།། རིག་པ་ཚུར་འཆར་དགོས་པ་འདི་ལྟར་བསྟན།། དེ་བཞིན་ཉིད་ཀྱི་སྙིང་པོ་ལ།། ཅིས་ཀྱང་མཚོན་དུ་མེད་པ་སྟེ།། ཇི་ཙམ་ཟབ
iiif viewer powered by OpenSeadragon
