| e-texts navigator |
| Wylie |
260b1 གྲུབ་པའི་ཚད།། རྟག་ཏུ་འདི་ལྟར་གང་གནས་པ།། སངས་རྒྱས་ས་ལ་གནས་པ་ཡིན།། ཞེས་རྩ་བའི་རྒྱུད་ལས། བསམ་གཏན་མཐར་ཕྱིན་པ་བསྟན་པའི་ལེའུ་སྟེ་བཅུ་བཞི་པའོ།། །། དེ་ནས་སྟོན་པས་འཁོར
260b2 རྣམས་ལ།། བསྒོམ་ཆགས་ནད་རྣམས་བསལ་ཏེ་བསྟན།། དེ་བཞིན་ཉིད་ནི་མི་གཉིས་ཐིག་ལེ་གཅིག། དམིགས་པའི་ཡུལ་ནི་རྡུལ་དང་རི་རབ་འདྲ།། འདྲ་བ་རྟོག་པ་རླུང་ཆེན་ཙམ།། གནས་མེད་གནས་ལ་སྤྱོད་ཆགས
260b3 བསྒོམ་པ་གོལ།། མི་རྟོག་ཅི་ལའང་ཆགས་མེད་པས།། ཏིང་རྣམས་རི་ལ་ཆགས་མི་བྱ།། དེ་བཞིན་ཉིད་ལ་གཟུགས་མེད་པས།། དམིགས་བྱའི་ཡུལ་ནི་ཅི་ཞིག་ཡོད།། གཉིས་སུ་མེད་པའི་དམིགས་པ
260b4 ནི།། བསྒོམ་ཆགས་ནད་དེ་འཁོར་བའི་རྒྱུ།། དམ་པ་ཉིད་མཐོང་དེ་ལ་ཞེན་པ་ནི།། བསྒོམ་ཆགས་ནད་ཀྱིས་ཟིན་པ་ཞེས་བྱའོ།། དོན་མཐོང་ཤེས་པ་ཡོད་གྱུར་ན།། དེས་ནི་མ་མཐོང་བསྒོམ་ཆགས་ནད།། མི་རྟོག་ཟབ་མོ
260b5 ཉམས་མྱོང་ན།། མྱོང་བ་ཉིད་ཀྱིས་བསྒོམ་ཆགས་ནད།། རྟག་ཆད་གོལ་སར་མཐོང་གྱུར་ན།། དུས་གསུམ་དག་དང་དེ་དང་ལྡན།། ཏིང་ངེ་འཛིན་གྱི་རོ་ལ་ཆགས་གྱུར་ན།། རྟག་ཆད་མུ་གཉིས་མཐའ་མི་སེལ།། མ
260b6 རབས་བུས་པ་ཐ་མའི་སེམས།། འདུ་ཤེས་མེད་པའི་ཁྲོད་དུ་སྐྱེ།། ཞེས་རྩ་བའི་རྒྱུད་ལས། བསྒོམ་ཆགས་ཀྱི་ནད་བསལ་བར་བསྟན་པའི་ལེའུ་སྟེ་བཅོ་ལྔ་པའོ།། །། དེ་ནས་སྟོན་པས་འཁོར་རྣམས་ལ།། འདི་ཞེས
iiif viewer powered by OpenSeadragon
