| e-texts navigator |
| Wylie |
25b1 རྣམ་ལྔ་ཕྱུང་བ་སྟེ།། ནམ་མཁའ་རླུང་ཆུས་མེ་སྣང་བ་ལྔ།། ཀུན་བྱེད་ང་ཡི་རང་བཞིན་བསྟན་པ་ཡིན།། ཀུན་བྱེད་ང་ཡི་ཐུགས་རྗེས་མངོན་ཕྱུང་ནས།། རང་འབྱུང་ཡེ་ཤེས་རྣམ་ལྔ་བསྟན་པ་ནི།། འགྲོ་བ་རིགས་དྲུག
25b2 སེམས་ཅན་སྣང་བ་ཡང་།། ཀུན་བྱེད་ང་ཡི་རང་བཞིན་བསྟན་པ་ཡིན།། ཀུན་བྱེད་རྒྱལ་པོ་ང་ཡི་རང་བཞིན་ལས།། སྣང་སྲིད་སྣོད་བཅུད་བསྡུས་པ་ཐམས་ཅད་ཀུན།། ཐམས་ཅད་ངས་བྱས་ང་ལས་བྱུང་བའི་ཕྱིར།། ངར
25b3 འདུས་པའི་ཆོས་ནི་གཅིག་ཀྱང་མེད།། ང་ལས་བྱུང་བའི་སྟོན་པ་སྐུ་གསུམ་ཡང་།། ཀུན་བྱེད་ང་ཡི་རང་བཞིན་རྣམ་གསུམ་སྟོན།། སྔ་པ་ད་ལྟ་ཕྱི་པ་དུས་གསུམ་གྱི།། རྣམ་གསུམ་གཅིག་ཏུ་གནས་པའི་སངས་རྒྱས
25b4 ཀྱང་།། སྔ་ཕྱི་མེད་པར་ཀུན་བྱེད་རང་བཞིན་གནས།། གཟུང་འཛིན་བྲལ་བའི་བྱང་ཆུབ་སེམས་དཔའ་ཡང་།། ཀུན་བྱེད་ང་ཡི་རང་བཞིན་སེམས་དཔར་བྱེད།། རྣལ་འབྱོར་རྣམ་བཞི་རྣལ་མར་འཇོག་པ་ཡང་།། ཀུན
25b5 བྱེད་པ་ལ་རྣལ་དུ་འཇོག་པར་བྱེད།། ཀུན་བྱེད་རྒྱལ་པོས་ཐམས་ཅད་བྱས་པ་བཞིན།། ཐམས་ཅད་ཀུན་བྱེད་རྒྱལ་པོ་ཉིད་དུ་འདུས།། ཞེས་གསུངས་སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་ཆོས་ཐམས་ཅད་ཀྱི
25b6 རྩ་བ་བྱང་ཆུབ་ཀྱི་སེམས་ཀུན་བྱེད་རྒྱལ་པོ་ཉིད་ཁོ་ནར་འདུས་པའི་ལེའུ་སྟེ་བཅུ་གཅིག་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་ང་ཡིས་ཆོས་ཐམས་ཅད་ཀྱི་ཁུངས་ཀྱི་མདོ་འདི་གསུངས་སོ།། ཀྱེ
iiif viewer powered by OpenSeadragon
