| e-texts navigator |
| Wylie |
258b1 ཡང་བྱུང་དེ་ཉིད་རང་རིག་རང་བྱུང་རང་ཞིར་གཞག། བཞག་པའི་དངོས་པོ་སངས་རྒྱས་ཉིད་ཀྱི་ཐུགས།། འདི་ཞེས་བསྟན་དུ་སངས་རྒྱས་ཉིད་ཀྱིས་མེད།། ཅེས་རྩ་བའི་རྒྱུད་ལས། བསྒོམ་པའི་ཐབས་བསྟན་པའི་ལེའུ་སྟེ
258b2 བཅུ་གཅིག་པའོ།། །། དེ་ནས་སྟོན་པས་འཁོར་རྣམས་ལ།། ངེས་པའི་དོན་གྱི་ངོ་བོ་བསྟན།། རྫོགས་པ་ཆེན་པོའི་ངོ་བོ་ནི།། དྲན་པའི་རྟོག་པ་མི་འབྱུང་བས།། རི་ནི་ཡོངས་སུ་རྫོགས་པ་ཡིན།། རྣམ་ཤེས་ཡུལ་ལ
258b3 མ་ཆགས་པར།། ཤེས་རབ་ཡོངས་སུ་རྫོགས་པ་ཡིན།། གཏིང་ནི་ཤེས་རབ་ཡོངས་རྫོགས་པས།། རྟོག་པ་མེད་པའི་ཤེས་རབ་སྐྱེ།། ཁམས་གསུམ་ལས་སུ་འདས་པར་འགྱུར།། གང་ལ་སེམས་མེད་དེ་བཞིན
258b4 ཉིད།། གང་ཡང་མི་དམིགས་ཅིར་མི་རྟོག། ཅིར་ཡང་མི་བསྒྲུབ་མི་སེམས་པ།། སེམས་ཀྱིས་དམིགས་ཞེས་བྱ་བ་སྟེ།། བསྒོམ་པ་མ་ལུས་རྫོགས་པ་ཡིན།། རྟོག་དཔྱོད་མེད་པས་བདེ་བའི་མཆོག། ཤེས་པ་གཟུང་འཛིན
258b5 དང་བྲལ་བ།། བསྟན་པ་ངོ་བོ་ཉིད་ཀྱི་སྐུ།། དེ་ལ་དམིགས་བྱ་རྡུལ་ཕྲན་མེད།། དེ་ཕྱིར་དམིགས་སུ་ཅི་ཞིག་ཡོད།། དམིགས་སུ་མེད་ལ་ཅི་ཞིག་དམིགས།། དེ་ལ་དེ་བཞག་དེ་གནས་པ།། པདྨའི་སྤྱན་དེ་དེས་མཐོང
258b6 འགྱུར།། ཤེས་པ་མེད་པ་ཤེས་རབ་མཆོག། གསལ་བ་མེད་པ་ཡེ་ཤེས་དང་།། འཛིན་པ་མེད་པ་ཏི་ནི་རླུང་།། རྩོལ་བ་མེད་ན་ཚུལ་ཁྲིམས་རྫོགས།། ཤེས་ནས་མི་ཕྱེད་གཏི་མུག་དང་།། མི་བསྒོམ་བསྒོམ་པ་འདུ་འབྲལ
iiif viewer powered by OpenSeadragon
