| e-texts navigator |
| Wylie |
258a1 པས་འཁོར་རྣམས་ལ།། བསྒོམ་པ་དག་གི་ཐབས་རྣམས་བསྟན།། བླ་མེད་ཐར་པ་ཐོབ་དགའ་བ།། ཤེས་རབ་ཐབས་ལ་བརྟེན་པས་འགྲུབ།། མིང་ཙམ་ཐབས་ལ་བརྟེན་ནས་སུ།། བདེ་བའི་དོན་ཉིད
258a2 རང་ལས་བྱུང་།། ཐབས་མེད་ཤེས་རབ་དང་བྲལ་བ།། གླང་ཆེན་ཆུ་འདོད་སྨིག་བསྙེག་འདྲ།། དད་མོས་འཕྲོ་ཅན་སྣོད་ལྡན་ལ།། གང་ཟག་མཚན་རྟགས་གཟུང་ཐབས་བསྟན།། ཞེ་སྡང་དག་གི་ཤས་ཆེ་ལ།། དངུལ
258a3 དཀར་ཞུན་མའི་སེམས་འཛིན་བསྟན།། གཏི་མུག་དག་གི་ཤས་ཆེ་ལ།། སྣང་གསལ་སྒྲོན་མེའི་སེམས་འཛིན་བསྟན།། ང་རྒྱལ་དག་གི་ཤས་ཆེ་ལ།། ཞི་བ་ལྷ་ཡི་སེམས་འཛིན་བསྟན།། འདོད་ཆགས་དག་གི་ཤས་ཆེ
258a4 ལ།། བདུད་རྩི་བུམ་པའི་སེམས་འཛིན་བསྟན།། ཕྲག་དོག་དག་གི་ཤས་ཆེ་ལ།། ཡི་གེ་འབྲུ་ཡི་སེམས་འཛིན་བསྟན།། རྣམ་ལྔ་འདི་ལ་བསྟེན་ནས་ཀྱང་།། ངོ་བོ་ཉིད་ནི་ཤིན་ཏུ་བསྒོམ།། བྱང་ཆུབ་དམ་པ་སངས་རྒྱས
258a5 རང་གི་སེམས།། སྣ་ཚོགས་གློག་བཞིན་སྣང་ཡང་གྱི་ནར་བཞག། བསམས་ཤིང་བསྒོམ་དེ་བསྒོམ་པའི་ཡུལ་ལས་འདས།། བདེ་གཤེགས་རང་རིག་རང་བྱུང་རང་ཞིར་བཞག། ཁོང་ཀློང་ཡངས་པར་གཞག་པ་དེ་བཞིན
258a6 ནོ།། ཡུལ་དྲུག་རྐྱེན་གྱིས་མི་ནོན་འཁྲུལ་མི་འགྱུར།། འདུ་ཤེས་དག་གིས་བསམ་དུ་མེད་པས་ན།། གང་ཡང་མི་སེམས་མི་བསམ་མཉམ་པར་ཞོག། བསམས་ཤིང་བསྒོམ་དེ་བསྒོམ་པའི་ཡུལ་ལས་འདས།། གོང་དུ
iiif viewer powered by OpenSeadragon
