| e-texts navigator |
| Wylie |
257b1 དབང་གིས་སྡུག་བསྔལ་ཞིང་།། ཆད་པའི་དབང་གནས་མཆོག་སྨིན་ཏེ།། སྡིག་མ་བསྐྱེད་པའི་བྱ་བ་ཡང་།། ཇི་ཙམ་བསགས་ཀྱང་ཁམས་གསུམ་གནས།། ཞེས་རྩ་བའི་རྒྱུད་ལས། ཐེག་པ་གཞན་གྱི་གོ་དགག་པ་དེ་ལ
257b2 ཚིག་ཏུ་མ་བཏང་ཞིང་ཁ་ཚིག་ཏུ་མ་བསྟན་པའི་ལེའུ་སྟེ་དགུ་པའོ།། །། དེ་ནས་སྟོན་པས་འཁོར་རྣམས་ལ།། བསྒོམ་པའི་བསམ་པ་དགོས་པར་བསྟན།། སྙིང་པོ་འདི་དང་མ་འབྲེལ་པའི།། ཚིག་གི་དྲང་སྲོང་དགོན
257b3 པ་མཁན།། ཉམས་དེ་མེད་པར་སྙིང་པོ་ཉིད།། མ་བསྒོམས་པར་ནི་མཐོང་མི་སྲིད།། མཐོང་སྙམ་པ་ནི་གོལ་ས་ཡིན།། མཐོང་མེད་དག་གི་ཡེ་ཤེས་དེ།། བྱིན་གྱི་རླབས་ཀྱིས་བསྒོམ་པར་བྱ།། རྟོག་འཛིན་སེམས་ལ་མི
257b4 གནས་པར།། ཡང་དག་དོན་ཉིད་མ་བསྒོམས་ན།། བླ་མེད་ཐར་པ་ཐོབ་མི་སྲིད།། དགོན་པ་དབེན་ཟུང་དེ་དོན་བསྒོམ།། དྲི་མེད་དག་པའི་ཡེ་ཤེས་ཀྱིས།། བརྗོད་དུ་མེད་པའི་དོན་ཉིད་སྒོམས།། བླ་མེད་ཐར་པ་ཐོབ
257b5 པར་འགྱུར།། ངེས་པའི་དོན་ཉིད་མ་བསྒོམས་ན།། ཡང་དག་སངས་རྒྱས་ལམ་རིང་བས།། བྱང་ཆུབ་ཉིད་ལ་ཐོག་མཐའ་མེད།། དུས་གསུམ་སངས་རྒྱས་རྣམས་ཀྱིས་ཀྱང་།། གཉིས་མེད་ཡེ་ཤེས་དོན་བསྒོམས
257b6 ནས།། སངས་རྒྱས་ས་ལ་གནས་པ་ཡིན།། བདེ་བའི་འབྲས་བུ་གང་འདོད་པར།། གཉིས་སུ་མེད་པའི་སྙིང་པོ་བསྒོམ།། ཞེས་རྩ་བའི་རྒྱུ་ལས། བསྒོམ་དགོས་པར་བསྟན་པའི་ལེའུ་སྟེ་བཅུ་པའོ།། །། དེ་ནས་སྟོན
iiif viewer powered by OpenSeadragon
