| e-texts navigator |
| Wylie |
256b1 ལ།། རྫོགས་ཆེན་འདི་དོན་དགོས་པར་བསྟན།། དུག་ལྔ་ནད་སེལ་བླ་མེད་རྫོགས་པའི་དོན།། འདི་དོན་མ་རྟོགས་གསལ་བས་དམ་པར་བཅིངས།། བཅིངས་པའི་དོན་ནི་ཉོན་མོངས་བརྒྱད་ཁྲི་སྟེ།། གཉེན་པོ
256b2 རྫོགས་ཆེན་འདི་ཡིས་གྲོལ་བར་འགྱུར།། འཁོར་བ་གཉིས་ལས་མི་ཐར་ཐར་པ་མེད་པ་ཡང་།། རྫོགས་ལམ་འདི་ཉིད་རྙེད་ནས་ཐར་བར་འགྱུར།། རྫོགས་ཆེན་ལམ་ནི་ཀུན་གྱི་ནད་སེལ་སྨན།། མ་གཡོས་གཡོས་པ
256b3 མེད་པ་ཐམས་ཅད་ངང་དུ་གནས།། འདི་འདོད་གཉིས་འཛིན་མ་བྲལ་ལམ་མི་རྙེད།། ཤིན་ཏུ་ནད་གདུང་གསོ་བའི་གླགས་ཡོངས་མེད།། ཁུ་བྱུག་དུས་བཟུང་ཟླ་ཁོངས་སྙེགས་པ་ལྟར།། གཞན་གྱིས་རང་རྒྱུད་སྦྱངས་ཏེ
256b4 གཞུང་བསྙེགས་ཀྱང་།། དགོས་འདོད་རྫོགས་ཆེན་མ་ཐོབ་བར་དུ་བྱང་མི་ཆུབ།། འཇུག་པའི་སྒོ་བཞིར་ཞུགས་ཤིང་ལམ་སྦྱངས་ཀྱང་།། སྤྱི་ཡི་དོན་མཆོག་མ་རྟོགས་བར་དུ་སངས་མི་རྒྱ།། སྤྱི་ཕུག་འདི་ཉིད་ཀུན་གྱི་གཞི
256b5 མོ་ཡིན།། ཐམས་ཅད་གཞི་མོ་ཉིད་དུ་ཤེས་པར་བྱ།། རྫོགས་ཆེན་འདི་དོན་རྩོལ་བསྒྲུབ་མཐའ་ལས་འདས།། འདས་པའི་དོན་ནི་བླ་མེད་འབྲས་བུའི་མཆོག། བཤད་བརྗོད་རྩོལ་བས་འདི་དོན་རྙེད་པར་དཀའ།། དུས
256b6 གསུམ་བླ་མེད་སངས་རྒྱས་རྣམས་ཀྱིས་ཀྱང་།། བཤད་བརྗོད་བྲལ་བའི་དོན་ཉིད་འདི་མཐོང་ནས།། བླ་མེད་སངས་རྒྱས་འབྲས་བུ་གྲུབ་པ་ཡིན།། རྫོགས་ཆེན་ལམ་འདི་ཀུན་གྱི་ཕུག་ཡིན་ཏེ།། བློ་འཁྲུལ་འདི་དོན་ཉིད
iiif viewer powered by OpenSeadragon
