| e-texts navigator |
| Wylie |
256a1 འདས་པ་རྫོགས་ཆེན་མཐའ་རུ་ཕྱིན།། བདེན་གཉིས་གང་ལ་གནས་པའི་བློ་དང་བྲལ།། ཟླ་ཅན་ཟུང་འཇུག་པ་ཡིས་འདི་མི་མཐོང་།། གཉིས་མེད་སྤྲོས་བྲལ་རྫོགས་ཆེན་བདེ་བའི་ངང་།། གཟུང་འཛིན
256a2 མཚན་མ་པ་ལ་འདི་དོན་རིང་།། ཅི་ཕྱིར་ཡེ་ཤེས་འཁོར་བའི་གཞལ་ཡས་ཁང་།། གཟུགས་སྐུ་གདན་དང་མཆོད་པར་གནས།། དམ་པ་དེ་མཐོང་མཆོད་བྱས་ཀྱང་།། ཏིང་ངེ་འཛིན་གྱིས་གསལ་འགྱུར་ཀྱང་།། རང་རིག
256a3 མཉམ་པའི་ངང་རྟོག་ཆེ།། ཞི་བ་མ་ཡིན་རྣམ་རྟོག་སྒོམ།། རྣམ་པར་རྟོག་ཉིད་འཁྲུལ་པ་སྟེ།། ཡང་དག་སངས་རྒྱས་ལམ་མི་རྙེད།། ཡེ་ཤེས་སེམས་དང་དམ་ཚིག་སེམས།། ལམ་གྱིས་ཁྱད་པར་བྱིན་བརླབས
256a4 ཤིང་།། སྤྱན་དྲངས་བཞུགས་གསོལ་མཆོད་བྱས་ཀྱང་།། མ་ཡིན་དོན་རྟོག་འཁྲུལ་པ་སྟེ།། ཤིན་ཏུ་བྱིས་པའི་སྤྱོད་ཡུལ་འདྲ།། མཉམ་པ་དོན་གྱི་ངོ་བོ་ལ།། གཟུགས་མེད་གཟུགས་སུ་འཛིན་པ་མེད།། རྣམ་རྟོག་ཉིད་ཀྱང
256a5 ཡེ་ཤེས་ལ།། ལྷ་སྐུ་ཉིད་ཀྱང་དེ་བཞིན་ཉིད།། བླུན་པོ་རྟོག་གེའི་སྤྱོད་ཡུལ་མིན།། མཆོད་དང་མཆོད་པར་བྱ་བ་མེད།། དེ་རྣམས་རྣམ་རྟོག་འཁོར་བའི་རྒྱུ།། ཡང་དག་སངས་རྒྱས་ལམ་འདོད་རྣམས།། རྟོག་བྲལ་ཉག
256a6 གཅིག་རྡོ་རྗེ་ལས།། དེ་བཞིན་ཉིད་དུ་གནས་པར་བྱ།། ཞེས་རྩ་བའི་རྒྱུད་ལས། སྔགས་ཕྱི་ནང་གཉིས་ཀྱིས་བྱང་ཆུབ་འཐོབ་པར་དཀའ་བར་བསྟན་པའི་ལེའུ་སྟེ་བདུན་པའོ།། །། དེ་ནས་སྟོན་པས་འཁོར་རྣམས
iiif viewer powered by OpenSeadragon
