| e-texts navigator |
| Wylie |
255b1 ལ།། འགལ་བ་མེད་པའི་མཐའ་ལས་འདས།། སྡིག་པ་བཅུ་སྤྱད་འདི་མི་བསྒྲིབ།། སྡིག་པ་ཉིད་ཀྱང་བྱང་ཆུབ་ཉིད།། སྡིག་སྒྲིབ་མི་གནས་དོན་ལ་གཉིས་སུ་མེད།། དེ་ཕྱིར་དཀའ་ཐུབ་སྡོམ་པ་བསྲུངས་པ་རྫོགས་ཆེན
255b2 དོན་ལས་གོལ།། དཀའ་ཐུབ་བགྲོད་རྩོལ་འབད་རྩོལ་གྱིས།། ཡང་དག་སངས་རྒྱས་ལམ་མི་རྙེད།། སྡོམ་པས་རྩ་བ་བྱང་ཆུབ་རིང་།། མི་བསྲུང་མི་སྡོམ་རྫོགས་ཆེན་མཆོག་གི་ལམ།། རྫོགས་ལམ་འདི་ལ་སྤང་བླང་མེད
255b3 པའི་ལམ།། གཉིས་མེད་ཐམས་ཅད་མ་སྤངས་པ་ཡི་ལམ།། དགེ་སྡིག་གཉིས་མེད་སྤང་བླང་མེད་པར་ཉག་གཅིག་སངས་རྒྱས་ལམ།། དགེ་སྡིག་གཉིས་སྤྱོད་གསེར་དང་བོང་བའི་སེམས།། འཁྲུལ་པའི་ལམ
255b4 ཡིན་རྫོགས་ཆེན་ལམ་རིང་འགྱུར།། རྫོགས་ཆེན་འདི་ནི་གཉིས་མེད་རྡོ་རྗེ་མི་འགྱུར་སྤང་བླང་མེད།། གཉིས་མེད་མཆོག་གི་ལམ་ཆེན་འདིར་ཞུགས་པས།། མི་ལེན་མི་སྤང་རྡོ་རྗེ་ཡང་དག་ལམ།། དགེ་སྡིག་གཉིས་མེད
255b5 སྙིང་པོ་ཐིག་ལེ་གཅིག། རང་རིག་དེ་བཞིན་ཉིད་ཀྱི་ཡེ་ཤེས་བལྟས།། ཞེས་རྩ་བའི་རྒྱུད་ལས། ཐེག་པ་འོག་མའི་དཀའ་ཐུབ་སྡོམ་པ་བསྲུང་བས། བྱང་ཆུབ་འབྲས་བུ་འགྲུབ་པར་དཀའ་བའི་ལེའུ་སྟེ་དྲུག
255b6 པའོ།། །། དེ་ནས་སྟོན་པས་འཁོར་རྣམས་ལ།། སྔགས་ནི་ཕྱི་དང་ནང་གིས་ཀྱང་།། བྱང་ཆུབ་འབྲས་བུ་འཐོབ་པར་དཀའ་བར་བསྟན།། གཟུགས་བྲལ་ཉག་གཅིག་རྡོ་རྗེ་མཆོག་གི་སྐུ།། རྩོལ་བསྒྲུབ་མཐའ་ལས
iiif viewer powered by OpenSeadragon
