| e-texts navigator |
| Wylie |
255a1 པའོ།། །། དེ་ནས་སྟོན་པས་འཁོར་རྣམས་ལ།། འདུས་བྱས་ལུས་ངག་གི་ལས་ཀྱིས།། བྱང་ཆུབ་འབྲས་བུ་ཐོབ་དཀར་བསྟན།། དེ་བཞིན་དེ་དོན་ཡེ་ནས་འདུས་མ་བྱས།། དུས་གསུམ་འཇིག་བྲལ
255a2 མེད་པས་རྡོ་རྗེའི་སྐུ།། རྒྱུད་ལས་བསྟན་པ་འདི་ཡིས་འབྲས་མི་འགྲུབ།། ཇི་སྟེ་ལུགས་མ་ལ་སོགས་ཕྱག་རྒྱ་ལ།། རྣམ་པར་གྲོལ་བ་ཉིད་ཀྱི་ལམ་ནི་མི་གནས་པས།། གཞི་དེས་དུས་གསུམ་སངས་རྒྱས་རྣམས་ཀྱིས་ལམ
255a3 རྙེད་ན།། ཐམས་ཅད་ཆོས་ཉིད་ཕྱག་རྒྱའི་ངོ་བོར་གནས།། སྒྱུ་མའི་ཕྱག་རྒྱ་ལུགས་མའི་ཕྱག་རྒྱར་དུལ།། འབྲས་བུ་རྣམ་པར་གྲོལ་བའི་ལམ་ལ་གནས།། དེ་བཞིན་རྣམ་པར་དག་པའི་ལམ་རྙེད་ན།། མཐོང་ཐོས་ལ
255a4 སོགས་ཕྱག་རྒྱའི་ངོ་བོར་གནས།། མཆོད་དང་གཏོང་བ་ལ་སོགས་པས།། རྡོ་རྗེའི་སེམས་ཀྱིས་མ་ཟིན་ན།། ཆེ་བའི་ང་རྒྱལ་ཆེན་པོ་ཡིས།། འཆིང་བ་ལས་ནི་གྲོལ་མི་འགྱུར།། དགེ་རྩས་སྡུག་བསྔལ་སྐྱེ་གཞིར
255a5 འགྱུར།། ངན་སོང་དུ་ཡང་སྐྱེ་བར་བྱེད།། ཅེས་རྩ་བའི་རྒྱུད་ལས། བ་སོའི་འབུར་དང་། གསེར་དངུལ་གྱི་ལུགས་དང་། རུས་སྦལ་གྱི་རིས་དང་། འཇིམ་པའི་ལྷ་དང་། འདུས་བྱས་ཐམས་ཅད་ཀྱིས་བྱང་ཆུབ་འབྲས་བུ
255a6 འཐོབ་པར་དཀའ་བར་བསྟན་པའི་ལེའུ་སྟེ་ལྔ་པའོ།། །། དེ་ནས་སྟོན་པས་འཁོར་རྣམས་ལ།། ཐེག་པ་འོག་མའི་སྡོམ་པ་ཡིས།། བྱང་ཆུབ་འབྲས་བུ་ཐོབ་དཀའ་བསྟན།། ཉག་གཅིག་སངས་རྒྱས་ལམ་ཉིད
iiif viewer powered by OpenSeadragon
