| e-texts navigator |
| Wylie |
254b1 བའི་རྒྱུད་ལས། རྫོགས་ཆེན་ལ་བཟླ་ཞིང་རྩོལ་བསྒྲུབ་ལས་འདས་པར་བསྟན་པའི་ལེའུ་སྟེ་གསུམ་པའོ།། །། དེ་ནས་སྟོན་པས་འཁོར་རྣམས་ལ།། ལམ་གྱི་ཉེ་རིང་བསྟན་པ་ནི།། ཅི་སྤྱད་ཅི་བལྟ་ཅི་བསྒོམས
254b2 ཀྱང་།། ལམ་མེད་ལམ་ལ་བགྲོད་པས་གོལ།། རྫོགས་ཆེན་འདི་ལ་སྒོ་ཕུག་མེད།། ཐམས་ཅད་ཉག་གཅིག་རྡོ་རྗེའི་སྐུ།། གཉིས་མེད་མི་འགྱུར་ཡང་དག་ལམ།། ལམ་གྱིས་བགྲོད་པར་འདོད་རྣམས་དག། ལམ་མེད
254b3 ལམ་འཇུག་འཁྲུལ་པ་སྟེ།། ས་བཅུར་བརྟོལ་ཡང་བྱང་ཆུབ་ཉིད་ལ་བསྒྲིབ།། མི་བགྲོད་རང་བཞིན་གནས་པའི་དོན་མེད་ན།། མཐོ་རིས་བགྲོད་པའི་རྒྱུ་ལ་ཉོན་མོངས་ཟིན་པར་འགྱུར།། ལམ་མེད་ལམ་དུ་ཞུགས་པས
254b4 ཡུལ་རྙེད་རབ་ཏུ་དཀའ།། ཆུས་གདུངས་གླང་ཆེན་སྨིག་རྒྱུ་བསྙེག་པ་ལྟར།། བསྐལ་པར་བགྲོད་ཀྱང་མི་ཐོན་རབ་ཏུ་དཀའ།། ཐེག་པ་གཅིག་གི་སྙིང་པོ་འདི།། རྟོག་གིས་ཐེག་ལམ་མང་དུ་ཕྱེ།། མང་དུ་ཕྱེ་བ་འདི་ཉིད
254b5 ཡིན།། འདི་མིན་པར་ནི་ལམ་མི་རྙེད།། ལམ་རྙེད་གྱུར་ཀྱང་འཁྲུལ་པའི་ལམ།། གླང་ཆེན་རྫབ་ཏུ་ཆུད་པ་འདྲ།། ལམ་བགྲོད་དག་ནས་ཐོབ་བྱེད་པ།། བྱ་བྲལ་ཆོས་དང་མི་མཐུན་ཏེ།། འདི་ཞེས་མཐོང་བ་བྱང་མེད
254b6 པས།། ལམ་གྱི་ཕུལ་དུ་ཕྱིན་པ་མེད།། གང་དུ་མ་ཕྱིན་དེ་བཞིན་ཉིད་ཀྱི་ངང་།། ངེས་ལམ་འདི་ལས་བདེ་བའི་ལམ་མེད་ཡིན།། ཞེས་རྩ་བའི་རྒྱུད་ལས། ཐེག་པ་གོང་འོག་གི་ལམ་གྱི་ཉེ་རིང་བསྟན་པའི་ལེའུ་སྟེ་བཞི
iiif viewer powered by OpenSeadragon
