| e-texts navigator |
| Wylie |
253b1 མ་ཐག་ཏུ་སངས་རྒྱས་ཡིན་པར་བཤད།། ཅེས་རྩ་བའི་རྒྱུད་ལས། ཐམས་ཅད་དེ་བཞིན་ཉིད་དུ་བསྟན་པའི་ལེའུ་སྟེ་གཉིས་པའོ།། །། དེ་ནས་སྟོན་པས་འཁོར་རྣམས་ལ།། རྫོགས་ཆེན་ལ་ཉིད་བཟླས་ཏེ
253b2 བསྟན།། རང་བཞིན་ལྷུན་རྫོགས་རྫོགས་ཆེན་ཉིད།། རྫོགས་པ་ཆེན་པོར་ཡེ་ནས་གནས།། ཐམས་ཅད་རྫོགས་པའི་རང་བཞིན་ལ།། བཟང་ངན་བླང་དོར་གཉིས་སུ་མེད།། ཐེག་པ་ལམ་དང་བསྒོམ་བསྒྲུབ
253b3 བརྩོན།། རྫོགས་ཆེན་འདི་ལས་འགལ་བར་བཤད།། རྒྱུ་འབྲས་གཉིས་མེད་རྡོ་རྗེའི་སྐུ།། སྐྱེ་ཤི་མེད་པར་ལྷུན་གྱིས་གནས།། གནས་པའི་དོན་ལ་གཉིས་སུ་མེད།། དཔེར་ན་ཆོས་དང་སངས་རྒྱས་མེད།། ལྟ་བས
253b4 བལྟས་པས་འཁྲུལ་པར་སྣང་།། རྒྱུ་འབྲས་ཐེག་པ་བརྟགས་པས་ནོར།། ལམ་གྱི་རིམ་པ་གཏིང་ནས་མེད།། ལམ་ནི་ཉེ་ལམ་རྫོགས་པའོ།། འཇུག་དང་བལྟ་དང་སྐྱོང་བསྲུང་རྣམས།། མ་བཙལ་ཡེ་ནས་ལྷུན་གྱིས
253b5 རྫོགས།། བསྒོམ་དང་བློ་ཡི་ཐེ་ཚོམ་མེད་པས་རྫོགས་ཆེན་ནམ་མཁའི་ཀློང་།། ནམ་མཁའི་ཀློང་ལ་བསྲུང་དང་བསྒོམ་འཇུག་ལྷ་སྤྱོད་བྱ་མི་དགོས།། ཅིས་ཀྱང་དཔག་ཏུ་མེད་པ་རྫོགས་ཆེན་ཀློང་།། ཀློང་ཆེན་འདི་ནི་ཡིད
253b6 བཞིན་ནོར་བུའི་ཚུལ།། འདི་ཚོལ་རྣམས་ཀྱིས་གཞན་ནས་འདི་མ་བཙལ།། རང་ལ་གནས་ཤིང་གཞན་ནས་འདི་འཚོལ་ན།། བསྐལ་པ་གསུམ་དུ་འདི་བཙལ་རྙེད་མི་འགྱུར།། གང་ཞིག་སངས་རྒྱས་རྣམས་ཀྱིས་འདི་མ
iiif viewer powered by OpenSeadragon
