| e-texts navigator |
| Wylie |
253a1 ཚུལ།། གཅེས་པས་བཙལ་དཀའ་ཤེལ་སྒོང་དག་པའི་ཚུལ།། དཀོན་ལ་བཙལ་དཀའ་བསམ་འཕེལ་ནོར་བུའི་ཚུལ།། འདི་རྟོགས་གང་ཟག་ཨུ་དུམ་ཝཱ་རའི་ཚུལ།། འདི་མཐོང་དཀའ་བ་གསེར་གྱི་རུས
253a2 སྦལ་ཚུལ།། འདི་དོན་མཐོང་བ་རྣམས་ཀྱིས་འདི་མི་མཐོང་།། མ་མཐོང་མཐོང་བ་ཡེ་ནས་འདི་བཞིན་ཉིད།། མ་བསླད་ཇི་བཞིན་གནས་པ་དེ་བཞིན་ལ།། གཉིས་མེད་སངས་རྒྱས་གནས་པ་བསྒོམ་པའི་ཀློང་།། བསྒྲུབ
253a3 འཚོལ་སྨོན་པ་རྟོག་གེ་བྱིས་པ་འདྲ།། ས་ལམ་གཉིས་མེད་བགྲོད་དུ་ཕུགས་མཐའ་མེད།། སྒོ་ཕུག་གཉིས་མེད་ཐམས་ཅད་དེ་བཞིན་ཉིད།། ལམ་མེད་ལམ་འདོད་གླང་ཆེན་རྨིག་བསྙེག་འདྲ།། བསྐལ་པ་ཙམ་བགྲོད
253a4 འདི་ཐོབ་རབ་ཏུ་དཀའ།། ཐམས་ཅད་དེ་བཞིན་ཉིད་དེ་དེར་གནས་པ།། རྡོ་རྗེ་ཀློང་རྒྱ་ཐམས་ཅད་ཡེ་སངས་རྒྱས།། འདི་དོན་སྒྲ་དང་ཚད་མས་གཞིག་པས་བརྡ་མི་འཕྲད།། གཉིས་འཛིན་མུ་སྟེགས་རྟག་ཆད་བགྲོད་དུ
253a5 འགྱུར།། འདི་དོན་འདི་ལ་སུ་བརྗོད་རྟོག་པའི་རྒྱུན།། རྣམ་རྟོག་དེ་ལ་བླ་མེད་ཕྱོགས་ན་མེད།། མ་བརྟགས་མ་རྟོགས་རྟོག་མེད་དེ་བཞིན་ཉིད།། དེ་དོན་ཤིན་ཏུ་གཏིང་དཔག་བཅད་པར་དཀའ།། ཚད་མས་མི་ཤིགས
253a6 དཔེས་ཀྱང་མཚོན་དུ་མེད།། བདེན་པ་གཉིས་མེད་ཚིག་མེད་ཡི་གེ་མེད།། བསྒྲིབ་མེད་བཙལ་མེད་སྨོན་དུ་རྡུལ་ཙམ་མེད།། ལུང་ལ་མི་རྟོག་ཐེག་པ་མི་འཚོལ་བའི།། ཡེ་ཁྱབ་ཡེ་ནས་ཡེ་སངས་རྒྱས་པ་འདི།། རྟོགས
iiif viewer powered by OpenSeadragon
