| e-texts navigator |
| Wylie |
252b1 དངོས་མེད་ནམ་མཁའི་ཀློང་།། ཅིར་ཡང་བསྐུར་དུ་མེད་པ་དེ་བཞིན་ཉིད།། དེ་བཞིན་ཉིད་ནི་མཚོན་པ་ཡོངས་དང་བྲལ།། མཛུབ་ཁྲིད་ཟླ་བ་ལྟ་བུར་བསྟན་པ་དེ།། དེ་བསྟན་ཟླ་མཛུབ་མི་གཅིག་ཐག་རིང་འགྱུར།། དེ
252b2 བཞིན་དེ་དང་དེ་གཉིས་ཐག་རིང་ཡང་།། ཇི་བཞིན་པ་ཉིད་ངེས་པར་རང་ལ་འཆར།། དེ་བཞིན་རྟོགས་པ་སངས་རྒྱས་ཉག་གཅིག་མ།། རྣམ་པ་ཐམས་ཅད་མཁྱེན་པའི་སངས་རྒྱས་ཀྱིས།། དེ་བསྟན་དེ་ཉིད་ཡོངས་སུ
252b3 ཤེས་པར་གྱིས།། ཐེག་པའི་བྱེ་བྲག་གྲངས་སུ་མང་བསྟན་ཀྱང་།། བསྡུས་པས་སྒོ་བཞི་སྠི་ཏི་ཡིད་དང་ལྔ།། སྒོ་བཞི་འདི་ནི་དྲང་དོན་ཙམ་དུ་ངས་བསྟན་ཏེ།། འདིར་ཞུགས་རྣམ་རྟོག་ཉིད་དང་འགྲོགས་པར
252b4 འགྱུར།། རྣམ་རྟོག་དེ་ལས་དེ་ཉིད་འབྱུང་བར་དཀའ།། སྐྱེ་བ་བརྒྱུད་ནས་འབྲས་བུ་འབྱུང་བར་བཤད།། ཕྱི་ནང་སྡེ་སྣོད་ཡོངས་ཀྱི་སྤྱི་ཏི་འདི།། ངེས་པའི་དོན་དུ་ངས་བསྟན་ཀུན་རྫོགས་ཏེ།། གདུལ་བྱ་ཆུད་ཟོས་མགོ
252b5 ལ་བསྟན་པར་དཀའ།། འདི་ཉིད་ཡེ་ནས་ཚོགས་གཉིས་རྫོགས་ཕྱིར་སྒྲིབ་གཉིས་དག། དག་པའི་དོན་ཉིད་ཡེ་ནས་དེ་བཞིན་ཉིད།། དེ་བཞིན་ཉིད་ནི་དབུ་མར་ཡང་དག་བཤད།། མི་དམིགས་བདེ་བ་གཉིས་ལས
252b6 འདས།། ཅིར་ཡང་བརྟག་དཀའ་བརྟགས་པས་རྟོགས་པར་དཀའ།། ལྕགས་ཀྱི་སྒྲོམ་བུ་འཐེབ་རྒྱས་བཏབ་པ་བཞིན།། དེ་བཞིན་ཉིད་དོན་འདི་ཞེས་བསྟན་པར་དཀའ།། གཏིང་དཔག་བཅད་དཀའ་མན་ངག་རྒྱ་མཚོའི
iiif viewer powered by OpenSeadragon
