| e-texts navigator |
| Wylie |
251b1 པར་བྱ།། གང་ཞིག་དགོངས་པའི་དོན་གོལ་སྒྱུ་མའི་ལུས་ལ་བདེ་བ་ཅན།། བསམ་གཏན་ཙོག་པུའི་རྒྱུད་ཉིད་བསྟན་པར་བྱ།། གང་ཞིག་བལྟ་བའི་ལྟ་བ་མ་རྟོགས་ལ།། ཐུགས་ཀྱི་ཡང་གཏེར་རྒྱུད་ཉིད་བསྟན་པར
251b2 བྱ།། གང་ཞིག་མན་ངག་གིས་མན་ངག་མ་རྫོགས་པ་ལ།། གསང་བ་ཡང་གཏེར་རྒྱུད་ཉིད་བསྟན་པར་བྱ།། གང་ཞིག་འཁྲུལ་པའི་ཡིད་ཕྱོགས་བྲལ་བ་ལ།། མུ་ཏིག་ཕྲེང་བ་ཐབས་ཀྱི་རྒྱུད་ཉིད་བསྟན་པར་བྱ།། གང
251b3 ཞིག་ལྟ་སྤྱོད་ཡ་བྲལ་གྱུར་པ་ལ།། རྗེས་འཇུག་སྤྱོད་པའི་རྒྱུད་ཉིད་བསྟན་པར་བྱ།། དེ་བཞིན་བློ་ཡི་ཁྱད་པར་སོ་སོ་ལ།། མན་ངག་རྡོ་རྗེ་ཐེག་པ་གཅིག་ཏུ་བབས།། ཞེས་སྟོན་པ་ཉིད་སྐུ་ཆེ་བའི་ཡོན་ཏན་དང་ལྡན
251b4 ནས་ཐུགས་རྗེས་ཕྱི་རབས་ཀྱི་དོན་དུ་བསྟན་པ། གླེང་གཞིའི་ལེའུ་སྟེ་དང་པོའོ།། །། དེ་ནས་སྟོན་པ་ཉིད་སྐུ་རྡོ་རྗེ་ལྟ་བུའི་ངོ་བོར་བཞུགས་ཏེ། དེའི་ཚེ་དེའི་དུས་ན། འཁོར་རྣམས་ཀྱི་ནང་ནས། སེམས་དཔའ་རྡོ
251b5 རྗེས་ཞུས་པ། ཁམས་གསུམ་འཁོར་བའི་སེམས་ཅན་སྐྱེ་དང་འཆི་ལ་བརྟག། ཟོ་ཆུའི་འཁྱུད་མོ་ཤིང་རྟའི་འཕང་ལོ་འདྲ།། སྡུག་བསྔལ་བཞི་ལས་ཐར་པའི་དུས་མཐའ་མེད།། འཁོར་བ་འདི་ལས་ཐར་པ་ཐོབ་ཐབས
251b6 ཤིག། ཐུགས་ཀྱི་དཀྱིལ་ནས་ངེས་པའི་བཅུད་ཕྱུང་བ།། ཕྱི་རབས་དོན་དུ་བསྟན་པ་གཞག་ཏུ་གསོལ།། ཞེས་ཞུས་པ་དང་།། དེ་ཡི་སྟོན་པས་བཀའ་སྩལ་པ།། སེམས་དཔའ་རྡོ་རྗེ་ལ་སོགས་ཀུན།། ཤིན་ཏུ་ལུས་ཐུད
iiif viewer powered by OpenSeadragon
