| e-texts navigator |
| Wylie |
251a1 འབྱུང་བ་དཀའ།། འབྱུང་བ་དཀོན་ཕྱིར་ཐུགས་ཀྱི་དཀྱིལ་འཁོར་ནས།། ངེས་པའི་སྙིང་པོ་རྩ་བའི་རྒྱུད་དང་ནི།། རྒྱུད་ཀྱི་རྣམ་པ་ཡོངས་སུ་བསྟན་པ་ཡང་།། རྒྱུད་དང་ཕྱི་མ་ཀལྤ་དུམ་བུར་བསྟན།། རིན
251a2 ཆེན་རིགས་ཅན་བུམ་པའི་བློ་ཅན་ལ།། རྒྱུད་འདི་རྒྱུད་ཀྱི་རྒྱུད་དེ་རུས་སྦལ་རྩ་བའི་རྒྱུད།། བལྟ་བས་ཟག་བཅད་སྤྱོད་པས་ལ་དོར་ཕྱི་རུ་བསྟན།། ཙན་དན་རིགས་ཅན་པདྨའི་བློ་ཅན་ལ།། བྱང་སེམས་ཐེག་པ་ཕྱི་མའི
251a3 རྒྱུད།། ཤེས་པ་ངེས་པ་གཅིག་ལ་གཞག་ཕྱིར་བསྟན།། མ་ངེས་ཐ་དད་སོ་སོའི་བློ་ཅན་ལ།། བཀོལ་བ་སོ་སོའི་རྒྱུད་ཆུང་བཅུ་གཉིས་པོ།། གང་ཟག་མཚན་རྟགས་རྒྱུད་ཀྱི་མཚན་རྣམས་བསྟན།། གང་ཞིག་རྫོགས་ཆེན
251a4 ལ་ཟློས་ཤན་མ་ཕྱེད་པ་ལ།། རྫོགས་པ་སྤྱི་གཅོད་རྒྱུད་ཉིད་བསྟན་པར་བྱ།། གང་ཞིག་སྙིང་པོའི་དོན་བྲལ་ལོ་མའི་ཚོགས་ཕྱོགས་ལ།། རྩ་བ་བསྡུས་པའི་རྒྱུད་རྣམས་བསྟན་པར་བྱ།། གང་ཞིག་རྟོགས་འཛིན་གཉིས་སུ
251a5 བལྟ་བ་ལ།། ཉག་གཅིག་དགོངས་པའི་རྒྱུད་ཉིད་བསྟན་པར་བྱ།། གང་ཞིག་མཚོན་པ་ཚིག་གི་དོན་བྱེད་ལ།། ཡི་གེ་མེད་པའི་རྒྱུད་ཉིད་བསྟན་པར་བྱ།། གང་ཞིག་རྟག་ཆད་གཟུང་འཛིན་གཉིས་སུ་བལྟ་བ་ལ།། མཐའ
251a6 རུ་སེལ་བའི་རྒྱུད་ཉིད་བསྟན་པར་བྱ།། གང་ཞིག་གསེར་དང་བོང་ཉིད་རྟོག་ཅན་ལ།། དྲི་མེད་དག་པའི་རྒྱུད་ཉིད་བསྟན་པར་བྱ།། གང་ཞིག་སྙིང་པོའི་དོན་ལ་འགྱུར་བའི་བློ་ཅན་ལ།། ལྟ་བ་རྡོ་རྗེའི་རྒྱུད་ཉིད་བསྟན
iiif viewer powered by OpenSeadragon
