| e-texts navigator |
| Wylie |
24a1 ཆོས་སྐུ་དབྱིངས་ནས་བཞུགས་པ་ཡིས།། དུས་གསུམ་སངས་རྒྱས་ཁམས་གསུམ་སེམས་ཅན་ལ།། སྤྲོས་མེད་བྱང་ཆུབ་སེམས་ནི་ཆོས་སྨྲས་བསྟན།། ཡེ་ཤེས་ལོངས་སྤྱོད་འོག་མིན་བཞུགས་པ
24a2 ཡིས།། ས་བཅུ་པ་ཡི་བྱང་ཆུབ་སེམས་དཔའ་ལ།། བྱང་ཆུབ་སེམས་དེ་སྐུ་དང་ཡེ་ཤེས་བཤད།། ཐུགས་རྗེ་སྣ་ཚོགས་ངེས་མེད་སྤྲུལ་པ་ཡིས།། བཟོད་ཐོབ་གང་ན་འདུས་པའི་འཁོར་དེ་ལ།། མ་ངེས་གང་གིས་འདུལ
24a3 བའི་དོན་ཡང་བསྟན།། སྨོན་ལམ་ལས་བཟང་རྐྱེན་གྱིས་བར་མཆོད།། ང་ཡི་ཐུགས་རྗེ་སེམས་དཔའི་དུས་ལ་བབ།། ངས་བསྟན་འཁོར་གྱི་ནང་ནས་ཁྱོད་སྡུད་དང་།། གཉིས་མེད་དོན་ཉིད་ང་ཡིས་བསྟན་པ
24a4 གསུམ།། ཚོགས་པས་དུས་གནས་རང་བཞིན་དེ་ལ་ཚང་།། ཕུན་སུམ་ཚོགས་པ་རྣམ་པ་གསུམ་པོ་དེ།། ཡེ་ནས་དཀོན་པའི་དཀོན་མཆོག་གསུམ་དུ་བསྟན།། ཀུན་བྱེད་ང་ཡི་སྐུ་གསུང་ཐུགས་སུ་བཤད།། སྟོན་པ་དཀོན
24a5 པའི་སངས་རྒྱས་དཀོན་མཆོག་ནི།། ཆོས་སྐུ་ལོངས་སྤྱོད་སྐུ་དང་སྦྲུལ་སྐུ་སྟེ།། བསྟན་པ་དམ་ཆོས་དཀོན་པའི་གསུང་མཆོག་ནི།། བརྗོད་དུ་མེད་པའི་ཀུན་བྱེད་གསུང་མཆོག་གསུམ།། འཁོར་གྱི་དགེ་འདུན་ཐུགས
24a6 མཆོག་དེ་ལ་ནི།། གང་ལ་གང་དགོས་གང་འཚམ་སྟོན་པར་བྱེད།། ང་ནི་སྟོན་པ་ཀུན་བྱེད་བྱང་ཆུབ་སེམས།། སྐུ་གསུམ་བྱེད་པའི་སྟོན་པ་ངས་བྱས་ནས།། བསྟན་པ་དམ་ཆོས་གསུམ་དུ་བཀོད་པ་ནི།། ཕྱི་དང་ནང་དང
iiif viewer powered by OpenSeadragon
