| e-texts navigator |
| Wylie |
249a1 ཡིན་པས་ཆོས་སྐུ་འགྲུབ།། བལྟ་བར་བསྟན་པས་ཡེ་ནས་གོས་པ་མེད།། སྣང་བ་རང་ལ་ཤར་བས་སེམས་ལ་ནུས་པ་མེད།། མི་ནུབ་རྒྱལ་མཚན་རྩེ་རུ་ཕྱིན་ན་ལྟུང་བ་མེད།། དམིགས་པ་ཡུལ་མེད་རྟེན
249a2 པའི་གཞི་དང་བྲལ།། ཆགས་སྡང་མེད་ན་སྡུག་བསྔལ་བྲལ་བ་ཡིན།། མི་འགྱུར་ལྷུན་གྱིས་གྲུབ་པའི་བདེ་བའི་ཀློང་ན་གནས།། མཉམ་ཉིད་དོན་དུ་རྟོགས་པས་ཕྲ་བཀོད་པའོ།། མི་སྐྱེ་དབྱིངས་ནས་རིག་པ་རང་ལ
249a3 ཤར།། དོན་དམ་ངེས་པ་རྟོགས་ནས་མཉམ་པའི་ཀློང་ན་འཕྱོ།། བསྒོམ་བསྒྲུབ་མཐའ་ལས་འདས་པས་མཉམ་པའི་ཀློང་ན་གནོས།། རང་བཞིན་ལྷུན་གྱིས་གྲུབ་པས་རྒྱུ་དང་འབྲས་བུ་མེད།། སྣང་བ་རང་ལ་ཤར་བས
249a4 ཉིན་དང་མཚན་མོ་མེད།། མ་བཀག་ཀུན་ལ་ཁྱབ་པས་ཡེ་བརྡལ་ཕྲ་བཀོད་པའོ།། མི་སྐྱེ་དབྱིངས་ནས་རིག་པ་རང་ལ་ཤར།། དོན་དམ་ངེས་པ་རྟོགས་ནས་མཉམ་པའི་ཀློང་ན་འཕྱོ།། མཉམ་པའི་ངང་ལ་བཞག་ན་དུས
249a5 གསུམ་གཅིག་ཏུ་ངེས།། བྱུང་ཚོར་བྱིང་རྨུགས་ཐར་ལམ་མི་འཐོབ་མཉམ་པར་བཞག་པའོ།། སྐྱེ་མེད་དབྱིངས་ནས་རིག་པའི་བཅུད་ཤར་བའོ།། དངོས་པོ་ཀུན་དང་བྲལ་བས་སྣང་བ་རང་ལ་ཤར།། གཟུང་འཛིན་རྣམ
249a6 རྟོག་བྲལ་བས་བདེ་བ་རང་ལ་སྣང་།། ཆགས་དང་བྲལ་བས་རྟོགས་པའི་མཐར་ཐུག་པའོ།། སེམས་ལ་བསྒོམ་དུ་མེད་པས་ཚིག་གི་མཐའ་ལས་འདས།། བསྒྲུབ་ཏུ་མེད་པས་ཡི་གེ་སྒྲ་དང་བྲལ།། བསྲུང་དུ་མེད་དེ་ཡེ
iiif viewer powered by OpenSeadragon
