| e-texts navigator |
| Wylie |
248a1 བཞག། རྣམ་རྟོག་སྤྲོས་བྲལ་བྱང་ཆུབ་ཆེན་པོ་ལ།། གཟུང་འཛིན་མེད་པའི་བླ་མེད་མྱུ་གུ་འབྱུང་།། རྒྱུ་ལ་རག་མ་ལུས་པའི་མྱུ་གུ་ཆེན་པོ་ལ།། རྐྱེན་དུ་བྲལ་བའི་ཡོན་ཏན་མྱུ་གུ་འབྱུང་།། འབྱུང་བ་ལྔ་ཉིད
248a2 ཡེ་ནས་སངས་རྒྱས་ལ།། སྣང་སྲིད་ལྷ་ཡི་འཁོར་ལོའི་མྱུ་གུ་འབྱུང་།། བྱང་ཆུབ་སེམས་ཅན་མན་ངག་རྒྱལ་པོ་འདི།། ཐམས་ཅད་ཡེ་ནས་སངས་རྒྱས་པའི།། རྒྱུད་དྲུག་གནས་སུ་དག་པས་བཙལ་བའི་བསམ་པ
248a3 དེ།། ལུང་ལ་སྒྲིབ་པ་མེད་པས་མན་ངག་མྱུ་གུ་ཡིན།། སེམས་ལ་དོགས་པ་མེད་པས་སངས་རྒྱས་ཀུན་གྱི་གཞི།། དུག་གསུམ་རྩད་ནས་བཅད་པས་བྱང་ཆུབ་སེམས།། འཁོར་བ་ཐམས་ཅད་སྒྲོལ་བའོ།། བྱང་ཆུབ
248a4 སེམས་ཀྱི་མྱུ་གུ་རྫོགས་སོ།། །། བདེ་བ་ཕྲ་བཀོད།། ། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ།། སེམས་ལ་མཐའ་དབུས་མེད་པས་ཕྱི་ནང་མ་བྲལ་ཏེ།། སེམས་ལ་སྤང་ལེན་མེད
248a5 ས་བདེ་ལ་བཀོད་པའོ།། མ་བཙལ་ལྷུན་གྱིས་གྲུབ་པའི་དོན་དེ་ཡང་།། སྐེ་མེད་ངང་ལས་གནས་པས་བདེ་ལ་ཕྲ་བཀོད་པའོ།། སྐྱེ་བ་མེད་པའི་བྱང་ཆུབ་སེམས་ཅན་ལ།། རྫོགས་པ་ཡོངས་རྫོགས་བདེ་བའི་ཀློང་ན
248a6 འཕྱོ།། རྟེན་པའི་གནས་མེད་ཆགས་པའི་ཡུལ་དང་བྲལ།། འཁོར་བ་མེད་པའི་དོན་དེ་ཕྲ་བཀོད་པའོ།། བསྲུང་དུ་མེད་པས་འབྲས་བུ་ལྷུན་གྱིས་གྲུབ།། བསྒྲུབ་ཏུ་མེད་པས་ལྷ་རྣམས་མྱ་ངན་འདས།། མཚོན་དུ་མེད་པས
iiif viewer powered by OpenSeadragon
