| e-texts navigator |
| Wylie |
247b1 པོ་ཐུགས་ལ་རྫོགས།། མཐོ་དམན་ཕྱོགས་མཚམས་བྱང་ཆུབ་སེམས་དང་ལྡན།། ཆོས་དབྱིངས་དྲི་མེད་རྒྱ་མཚོ་དངས་འདྲ་བ།། སྲིད་གསུམ་འགྲན་ཟླ་མི་མངའ་དབང་ཕྱུག་ཆེ།། ཡོངས་ཀྱི་སྲོག་འདུས་ཆོས་ཀྱི་འཁོར་ལོ
247b2 འདི།། རང་རིག་དབང་ཕྱུག་རྡོ་རྗེ་ལེགས་རྩལ་གྱིས།། རྣལ་འབྱོར་ཡོངས་ཀྱི་དོན་དུ་བསྒྲགས་པ་དག། གཉིས་མེད་མན་ངག་སྲོག་གི་འཁོར་ལོ་ཞེས།། ཐུགས་ལས་ཕྱུང་བ་འགྲོ་བ་ཡོངས་ལ་བསྔོ།། རྫོགས
247b3 སོ།། །། བྱང་སེམས་མྱུ་གུ།། ། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ།། རྒྱུ་རྐྱེན་ཚོགས་པའི་སྡོང་བུ་ལ།། མྱུ་གུ་དོན་གྱིས་འབྱུང་བ་ལྟར།། མ་བཅོས་དང་དུ་རང་བཞིན
247b4 གནས།། གནས་པས་དམིགས་མེད་མྱུ་གུ་འབྱུང་།། སྤྲོས་མེད་བྱང་ཆུབ་སེམས་ལ་མྱུ་གུ་འབྱུང་།། རྒྱུ་ལ་ལྟོས་པ་མེད་པས་རྐྱེན་གྱིས་གཞིག་ཏུ་མེད།། སྐྱེ་འགག་མེད་པའི་མྱུ་གུ་དེ།། ཡུལ་ལ་དམིགས་པ་མེད་པས
247b5 སེམས་ལ་འཕོ་འགྱུར་མེད།། ཡུལ་སེམས་འདུ་འབྲལ་མེད་པའི་སྦྱོར་བས་མྱུ་གུ་འབྱུང་།། དེ་ལ་འགག་པ་མེད་པས་སྒྲོལ་བ་ཆེན་པོར་བརྟགས།། དུས་གསུམ་འགྱུར་བ་མེད་པས་བྱང་ཆུབ་སེམས།། མ་ལྟོས་ལྷུན་གྱིས
247b6 གྲུབ་པས་སྣང་སྲིད་ཡེ་སངས་རྒྱས།། བསྲུང་དུ་མེད་པའི་དམ་ཚིག་ཆེན་པོ་ལ།། ཡེ་བསྲུངས་གདེང་གིས་ཆོད་པའི་མྱུ་གུ་འབྱུང་།། བསྒོམ་དུ་མེད་པའི་དམིགས་པ་ཆེན་པོ་ལས།། ངང་ལས་མ་ཡེངས་མཉམ་པ་ཆེན་པོར
iiif viewer powered by OpenSeadragon
