| e-texts navigator |
| Wylie |
247a1 པས།། ཐུགས་མཆོག་མི་ཟད་རྒྱན་འཁོར་ཡོངས་སུ་རྫོགས།། ཐམས་ཅད་སྐུ་གསུང་ཐུགས་ཏེ་དབྱེར་མེད་པ།། སྐྱེ་མེད་ནམ་མཁའི་ཀློང་ཡངས་རྒྱ་མཚོ་བཞིན།། འདུ་འབྲལ་མེད་པའི་དབྱིངས་མཆོག
247a2 རབ་འབྱམས་ན།། ཆེན་པོ་བཞི་ཡི་ཆོ་འཕྲུལ་གྲངས་མེད་པ།། བརྟགས་སམ་རྟོགས་ན་འབྱུང་བའི་འབྲས་བུར་འདུས།། འཆི་བ་མེད་པའི་སྨན་ཆེན་བདུད་རྩི་འདི།། ཡེ་ནས་རྫོགས་པས་གཞན་ནས་བཙལ་མི
247a3 དགོས།། ཀུན་ཀྱང་རྒྱུ་གཅིག་ཆོས་དབྱིངས་དང་དུ་མཉམ།། གཞན་ནས་འོངས་མེད་གར་ཡང་འགྲོ་མི་སྲིད།། ཐམས་ཅད་རང་བཞིན་བྱང་ཆུབ་སེམས་སུ་གསལ།། སྣང་སྲིད་ཐབས་ཀྱི་རང་བཞིན་རྒྱལ་བའི་ཡབ།། དེ
247a4 ལ་རང་བཞིན་མེད་པ་ཡུམ་གྱི་དབྱིངས།། ཟབས་དང་ཤེས་རབ་ལྡན་པར་མ་འདུས་མེད།། ཟབས་དང་ཤེས་རབ་འབྲེལ་པའི་རང་བཞིན་པས།། སྐུ་གསུང་ཐུགས་ཀྱི་རང་བཞིན་བསམ་མི་ཁྱབ།། ཆོས་དབྱིངས་རྒྱུ
247a5 གཅིག་རང་བཞིན་ཅིར་སྣང་ཡང་།། བྱང་ཆུབ་རྣམ་གཉིས་ངང་དུ་ཐམས་ཅད་འདུས།། མཁའ་དབྱིངས་རྣམ་དག་ཡངས་པའི་རྒྱ་མཚོ་ལ།། འབྱུང་བའི་སྐར་ཚོགས་མང་པོ་བསམ་མི་ཁྱབ།། དེ་བཞིན་མཁའ་མཉམ
247a6 དབང་ཕྱུག་ཆེན་པོའི་ཐུགས།། ཡོན་ཏན་རྒྱ་མཚོ་སངས་རྒྱས་ཀུན་གྱི་ངང་།། བདག་མེད་ཕྱོགས་བྲལ་ཆོས་དབྱིངས་མཁའ་དང་མཉམ།། སེམས་ཅན་ཀུན་འདྲེན་བྱང་ཆུབ་དབྱིངས་ལ་འགོད།། སྡེ་སྣོད་རྒྱུད་དང་གལ
iiif viewer powered by OpenSeadragon
