| e-texts navigator |
| Wylie |
23b1 ནི་བསྟན་པ་ཀུན་གྱི་སྙིང་པོར་བཤད།། ཀུན་བྱེད་ང་ཡིས་བྱས་པའི་ཆོས་རྣམས་ནི།། དུས་གསུམ་གཅིག་ན་བཞུགས་པའི་སངས་རྒྱས་དང་།། ཁམས་གསུམ་གནས་པའི་འགྲོ་བ་ཐམས་ཅད་ཀུན།། དབྱེ་བ་མེད་པར
23b2 འཁོར་གྱི་དམ་པར་བྱས།། ཀུན་བྱེད་གཅིག་གིས་ཕུན་སུམ་ཚོགས་བྱས་པས།། སེམས་ཀྱི་དགོས་པ་ཀུན་བྱས་ཕུན་སུམ་ཚོགས།། གང་ལ་གང་དགོས་དགོས་པ་ཚོགས་པ་ལ།། ཀུན་བྱེད་ང་ཡིས་ཕུན་སུམ་ཚོགས་པར
23b3 བཤད།། སྟོན་པའི་རང་བཞིན་རྣམ་པ་གསུམ་བསྟན་པ།། འཁོར་གྱི་དང་པོ་སྟོན་པ་སྐུ་གསུམ་ཤར།། མ་སྐྱེས་གཟུང་འཛིན་བྲལ་བའི་རང་བཞིན་དེ།། འཁོར་གྱི་དང་པོ་སྟོན་པ་ཆོས་སྐུར་ཤར།། སྐྱེ་བའི་ཆོ་འཕྲུལ་ཀུན
23b4 བཟང་རོལ་པ་དེ།། འདོད་སྤྱོད་ལོངས་སྤྱོད་རྫོགས་པའི་སྐུ་རུ་ཤར།། སྣ་ཚོགས་ཇི་ལྟར་འདོད་པ་བྱུང་ནས་ནི།། དེ་དང་མཐུན་པར་ཀུན་ཀྱང་ཚིམ་བྱེད་པ།། དེ་ནི་སྣ་ཚོགས་སྦྲུལ་སྐུ་ཞེས་སུ་བཤད།། སྐུ་གསུམ་སྟོན་པ
23b5 གྲགས་ཕྱོགས་མཐོང་བ་ནི།། སངས་རྒྱས་ཆུབ་སེམས་དཔའ་བཟོད་ཐོབ་གསུམ།། གང་འཐད་སྟོན་པའི་སྐུ་ལ་དེ་འདུས་ནས།། དེ་དང་མཐུན་པའི་གནས་སུ་དོན་སྟོན་བཞུགས།། བསྟན་པའི་རང་བཞིན་ཡང་ནི་དེ་འདྲ
23b6 སྟེ།། སྐུ་གསུམ་གང་གིས་འཁོར་ལ་གང་སྟོན་པ།། གང་ལ་གང་གིས་འདུལ་བའི་དོན་རྣམས་ཀྱིས།། སངས་རྒྱས་ལྷ་མི་འཇིག་རྟེན་ལས་དག་ལ།། བསྟན་པས་འདུལ་ཕྱིར་ཕུན་སུམ་ཚོགས་ཞེས་བཤད།། མི་གནས
iiif viewer powered by OpenSeadragon
