| e-texts navigator |
| Wylie |
239b1 སངས་རྒྱས་ཡེ་ཤེས་ངོ་བོ་མེད།། མི་འབྱུང་མི་འཇུག་ཡུལ་མེད་དབང་པོ་སྟེ།། མཚན་མ་འཇིལ་བའི་སྐུ་མེད་དག་བསྟན་སྟོང་།། རོ་གཅིག་བདེན་དབྱིངས་སུ་རོལ་པ་ཡང་།། དབྱེར་མེད་བདེ་ལ་ཆགས་དང་མ་བྲལ
239b2 ན།། དུས་གསུམ་མཉམ་པ་ཉིད་ཀྱང་འབྱུང་འཇུག་གོ།། ལེན་མེད་འཛིན་དང་ཡོངས་སུ་བྲལ་བས་ན།། དུས་གསུམ་བདག་ཉིད་རྡོ་རྗེ་སེམས་དཔའ་ཆེ།། ཀུན་གྱི་བདག་ཉིད་དུས་གསུམ་དབྱིངས་མི་གཡོ།། ལྟ་བ་འདི
239b3 མེད་སྤྱོད་པའི་སྒྱུ་མ་འཆིང་།། ལྟ་བ་འདིས་མ་ཟིན་ན་འཁོར་བ་ལས་མི་འདའ།། ཕྱིན་ཅི་ལོག་དང་མ་ལོག་བྱང་ཆུབ་སྟེ།། བྱང་ཆུབ་ཉིད་ལ་ལོག་དང་མ་ལོག་མེད།། བསམ་དང་བྲལ་བའི་སེམས་དེ་ནམ་མཁའ
239b4 ཉིད།། ནམ་མཁའ་འདྲ་བའི་སེམས་དེ་ཉིད་དང་བྲལ།། ཡོད་མེད་དབུ་མའང་མི་དམིགས་བརྗོད་མེད་ན།། ནམ་མཁའ་མི་གནས་བརྗོད་དུ་མེད་ལས་འདས།། སེམས་ལ་ཚིག་ཏུ་བརྗོད་མེད་སྐུ་ཡང་མེད།། སེམས་ཉིད
239b5 ཚིག་ལས་འདས་པས་སྦྱོར་བས་ན།། མངོན་སུམ་མི་གནས་མི་འབྲང་སྟོང་པས་དབེན།། ཡེ་ཤེས་དེ་ཉིད་བསམ་ལས་འདས་ཞེས་འབྱུང་།། ཡེ་ཤེས་རྣམ་པར་དག་པས་གཅིག་ཕྱིར་ཏེ།། གྲོལ་བའི་ལམ་ནི་མཚན་ཉིད
239b6 ཡོད་མ་ཡིན།། གཅིག་དང་དུ་མའི་མཐའ་ལས་འདས་པ་ནི།། ཆོས་ཀྱི་དབྱིངས་ཀྱི་མཚན་ཉིད་བཀྲི་བ་མེད།། གཟུགས་ཀྱི་མཚན་ཉིད་མེད་ན་བཀྲི་བ་གང་།། སྒྲ་དང་རྟོག་པའི་ངང་དུ་མ་གྲུབ་ན།། ཐོས་པ་ལམ་གྱི་སྨོན
iiif viewer powered by OpenSeadragon
