| e-texts navigator |
| Wylie |
238a1 ནས་དག་པས་པདྨ་བཞིན།། འགྱུར་བ་མེད་པ་ཐིག་ལེ་བདེ།། བྱ་བ་མེད་པས་ཐིག་ལེ་བདེ།། དུས་གསུམ་མེད་པས་ཐིག་ལེ་བདེ།། བཙལ་དུ་མེད་པས་ཐིག་ལེ་བདེ།། རྩོལ་བར་འདོད་ལས་དབྱིངས་མི
238a2 བསྐྱོད།། དྲ་བ་མེད་པས་མུ་ཁྱུད་མེད།། ཐིག་ལེ་མེད་པས་ཐིག་ཕྲན་བདེ།། རྩེ་རྒྱལ་རྟོགས་ན་གནས་ཆེན་བདེ།། ཐོགས་མེད་ཡོངས་སུ་སྦྱངས་པའི་བྷ་ག་ལ།། དབྱེར་མེད་ལྷུན་རྫོགས་ཐིག་ལེའི་དབྱིངས་ཉིད་ཆེ།། སྐུ
238a3 གསུང་ཐུགས་ཤར་མུ་ཁྱུད་འཁྱིལ།། རྣམ་པར་དག་པས་བྱང་ཆུབ་སྐུ།། འགྲོ་བའི་ལམ་ཆེན་བྱང་ཆུབ་སྐུ།། ཐིག་ལེ་ཡེ་ནས་རྡོ་རྗེ་དབྱིངས།། རྡོ་རྗེ་ཉིད་ལ་འདུ་འབྲལ་མེད།། དེ་ལས་ཐིག་ལེ་བརྡལ་བའི
238a4 དབྱིངས།། བརྡལ་བ་ཉིད་ལ་ནུབ་པ་མེད།། བྱང་ཆུབ་ཀྱི་སེམས་ཀློང་ཡངས་པའི་དཀྱིལ་འཁོར་རྫོགས་སོ།། །། ནམ་མཁའི་རྒྱལ་པོ།། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ
238a5 ལོ།། ནམ་མཁའི་རྒྱལ་པོ་ཡེ་ཤེས་ཀྱི་སྐལ་བ་དང་ལྡན་པ་ལ། སེམས་ཆོས་ཉིད་དུ་འགྱུར་བར་ཚིགས་སུ་བཅད་དེ་གསུངས་པ། ཆོས་ཉིད་བསམ་དུ་མེད་པས་ནམ་མཁའ་ཆེ།། ནམ་མཁའི་བསམ་པ་དེ་དག་ཀུན་དང
238a6 བྲལ།། བསམ་དུ་མེད་པས་ནམ་མཁའ་དེ་དག་ཉིད།། ནམ་མཁར་མི་དམིགས་པར་ཡང་དམིགས་སུ་མེད།། ནམ་མཁའི་མཚན་ཉིད་ཀུན་ལ་རབ་འདས་པ།། མེད་པས་ནམ་མཁའ་ལ་ཡང་ནམ་མཁའ་མེད།། ནམ
iiif viewer powered by OpenSeadragon
