| e-texts navigator |
| Wylie |
236b1 པའོ།། རྣམ་པ་དང་ནི་རྨད་གྲགས་པ།། ཐེག་པ་ཀུན་ལས་འདས་པ་དེ།། ཡི་གེ་མེད་པར་གྲགས་པའོ།། འདི་ཡི་ཚུལ་ནི་མ་ཤེས་ན།། ཡི་གེ་མེད་པ་དབྱེ་བ་མེད།། འདི་ཡི་དོན་དང་གང་ལྡན་པ།། དེ་ཡིས་ཐེག་ཆེན
236b2 འབྲས་བུ་ཐོབ།། རྒྱལ་པོ་ཆེན་པོ་ཡི་གེ་མེད་པ་ལས། བདག་པོ་མཉེས་པའི་ལེའུ་སྟེ་དྲུག་པའོ།། །། དེ་ནས་བདག་པོའི་མཆོག་ལ་བྱང་ཆུབ་སེམས་དཔའ་དགྱེས་པ་ལ་སོགས་པའི། འཁོར་རྣམས་མགྲིན་གཅིག་ཏུ
236b3 ཞུས་པ། དཔལ་ཆེན་འཁྲུལ་པའི་རྣམ་རྟོག་འཇོམས།། རྨོངས་པའི་མདུད་ལས་ཐར་པའི་མཆོག། ཉག་གཅིག་ཐུགས་ཆུད་དོན་དམ་དེ།། ཁྱོད་ཀྱིས་བླ་མེད་བཤད་དུ་གསོལ།། དེ་ནས་སེམས་དཔའ་དགྱེས་པ་ལ
236b4 སོགས་པའི། རྣམ་པར་རྟོག་པ་མཁྱེན་ནས་བཀའ་སྩལ་པ།། ཁྱེད་ཅག་ལེགས་པར་ཉན་འདོད་ན།། ཉག་གཅིག་ཐུགས་ཀྱི་དགོངས་པ་དེ།། བཤད་ཀྱིས་སེམས་ཉིད་ལྡན་པར་གྱིས།། དབྱེར་མེད་པ་ཡི་ནམ་མཁའ
236b5 དེ།། དང་པོའི་ཚིག་ནི་ནམ་མཁའ་ཀུན།། བསམ་པ་ཡིན་ཆོད་རུང་བའོ།། ཐ་མ་ལ་ནི་མི་དམིགས་ལ།། ནམ་མཁའ་གཞན་ནི་བཀག་པའོ།། དོན་དམ་དབྱེར་མེད་ནམ་མཁའ་དེ།། གང་ལ་བཀག་པ་མེད་པ
236b6 སྟེ།། བཀག་པ་མེད་པའི་གཏན་ཚིགས་སོ།། དེས་ན་ཡོད་ན་བཀག་པར་འགྲོ།། མེད་པས་ནམ་མཁའི་མེ་ཏོག་ཚུལ།། དགོངས་པའི་མཐའ་ནི་བཀག་མེད་དོ།། ཡི་གེ་མེད་པའི་རྒྱུད་ལས།། རྣལ་འབྱོར་མཐོང་དུ་མེད
iiif viewer powered by OpenSeadragon
