| e-texts navigator |
| Wylie |
236a1 བཅད།། དབྱིངས་དང་ཡེ་ཤེས་ངོ་ཏི་ཕྲད། དེ་བཞིན་གཤེགས་པ་ཐམས་ཅད་ཀྱི་རང་བཞིན། ཡེ་ཤེས་ཡི་གེ་མེད་པའི་རྒྱུད་མཆོག་ལས། ཤེས་རབ་དམིགས་པ་མེད་པར་བསྟན་པའི་ལེའུ་སྟེ་བཞི
236a2 པའོ།། །། དེ་ནས་ཁྱད་པར་དུ་ཞུས་པ། བརྗོད་མེད་རྣམ་པར་མི་རྟོག་པ།། ཡི་གེ་མེད་པའི་གསུང་མཆོག་འདི།། སྒྲ་ཡི་རྣམ་པ་སྤང་སླད་དུ།། བཅོམ་ལྡན་འདས་ཀྱིས་བཀའ་སྩལ་འཚལ།། ཡང་ཆེད་དུ་བརྗོད་པ་བ
236a3 ཀའ་སྩལ་པ། རང་བཞིན་གནས་པའི་ཆོས་ཉིད་དེ།། ཞི་བ་བླང་དོར་བྲལ་བའོ།། ཆོས་ཀྱི་རང་བཞིན་སྟོང་པ་སྟེ།། སངས་རྒྱས་ཀྱིས་ཀྱང་མ་གཟིགས་ཏེ།། མངོན་སུམ་མཐོང་བ་ག་ལ་ཡིན།། གང་ཡང་མཐོང་བ་མེད་པ
236a4 ནི།། དེ་ནི་མཐོང་བ་ཆེན་པོའོ།། ཀ་ཡིས་དག་པ་ཆོས་དབྱིངས་སོ།། ཆོས་ཀྱི་འཁོར་ལོ་བསྐོར་བ་ཡང་།། སྐད་ཅིག་ཙམ་ཡང་བྱས་པ་མེད།། དེ་དོན་རྟོགས་པ་དམིགས་མེད་དོ།། ཡི་གེ་མེད་པའི་རྒྱུད་མཆོག
236a5 འདི།། དཔེར་ན་རྒྱལ་པོ་ལྟ་བུ་སྟེ།། རྒྱུད་རྒྱལ་ཡི་གེ་མེད་པ་ལས། རང་བཞིན་གནས་པའི་ལེའུ་སྟེ་ལྔ་པའོ།། །། དེ་ནས་ཡི་གེ་མེད་པའི་གཙོ་མཆོག་དེས།། འཁོར་གྱི་ཞུ་བ་ཐུགས་ཆུད་ནས།། ཐེག་ཆེན་འདི་ནི
236a6 སྦྱིན་པའི་གནས།། བྱང་ཆུབ་སྙིང་པོ་ཆེ་ཡིས་ཀྱང་།། རིན་ཆེན་རིགས་སུ་གང་ལྡན་པས།། བླ་མའི་ཁ་ནས་ཤེས་པར་བྱའོ།། ལམ་གྱི་ནང་ནས་ཉེ་ལམ་སྟེ།། ཐབས་ཀྱི་མཆོག་ཏུ་གྱུར་པས་ན།། ཡི་གེ་མེད་པར་གྲགས
iiif viewer powered by OpenSeadragon
