| e-texts navigator |
| Wylie |
235b1 ཚོགས་ལའོ།། དོན་དམ་རིག་པ་སློབ་མ་ལ།། གྲོལ་བ་བདག་ཉིད་རིན་ཆེན་རིགས།། བདག་པོ་རབ་ཏུ་མཉེས་པ་སྟེ་ལེའུ་གཉིས་པའོ།། །། དེ་ནས་བདག་པོ་མཆོག་གིས། ཡེ་ཤེས་ཀྱི་རིག་པ་གསུངས་པ།། ཡེ
235b2 ཤེས་མ་བསྐྱེད་དབྱིངས་མ་བསྐྱེད།། རང་སེམས་རང་གིས་མཐོང་བ་ནི།། མཚན་མ་ཡིན་ཏེ་དོན་དམ་མིན།། བཀག་པ་ཐ་མ་བྱུང་བ་དེ།། སེམས་བཅོས་ཐབས་ནི་དེ་ལ་རིག། སྤྱོད་པ་ཆོས་དབྱིངས་ཟད་མི་ཤེས།། སྡེ
235b3 སྣོད་གསུམ་ཡང་མ་བཀག་སྟེ།། ཆོས་གཅིག་ངོ་བོ་དེ་ལ་མེད།། གལ་ཏེ་མཚན་མ་སྣང་བ་ལས།། ཏིང་ངེ་འཛིན་དེ་རེད་ན་ནི།། མ་རིག་པ་དང་ཐར་པ་ཐོབ།། བྱང་ཆུབ་ལམ་དང་དམིགས་པ་གཉིས།། ཏིང་ངེ་འཛིན་གྱི
235b4 ཁྱད་པར་རོ།། བདེ་བར་གཤེགས་པ་ཡི་གེ་མེད་པ་ལས། ཡེ་ཤེས་རིམ་པའི་ལེའུ་སྟེ་གསུམ་པའོ།། །། དེ་ནས་བདག་པོའི་མཆོག་ལ་བདེ་བར་གཤེགས་པའི་འཁོར་གྱིས་ཞུས་པ། ཀྱེ་མ་བདེ་བར་གཤེགས་པའི
235b5 གཙོ།། དམ་པ་ཡི་གེ་མེད་པ་ནི།། ནམ་ཡང་མ་ཁུམས་དི་རིང་ཁུམས།། དོག་ས་རྣམས་ཀྱང་ཆེར་གཡོས་པ།། འཁོར་ཀྱང་སྔོན་མ་ཐོས་པས་དངངས།། ཡི་གེ་མེད་པ་འདི་ཡི་དོན།། ཤེས་རབ་ཁྱད་པར་ཇི་ལྟར
235b6 ལགས།། གཙོ་བོ་དམ་པས་བཀའ་སྩལ་པ།། ཡི་གེ་མེད་པའི་ཤེས་རབ་ནི།། དམིགས་པ་མེད་པའི་ཤེས་རབ་སྟེ།། ཆོས་དབྱིངས་ཟང་མ་མ་བཅོས་ལ།། ཡེ་ཤེས་སྤྱི་བླུགས་སྐད་ཅིག་མས།། རང་བྱུང་རིག་པ་དེ་ཡི
iiif viewer powered by OpenSeadragon
