| e-texts navigator |
| Wylie |
235a1 རྣམས་ནི་སྤངས་པ་ཡི།། ཐབས་མཆོག་དམ་པ་བཤད་དུ་གསོལ།། ཡི་གེ་མེད་པ་བཤད་དུ་གསོལ།། ཡི་གེ་མེད་པ་ལས་གླེང་གཞིའི་ལེའུ་སྟེ་དང་པོའོ།། །། དེ་ནས་བདག་པོའི་མཆོག་རྣམ་པར་སྣང
235a2 མཛད་ཀྱི་སྐུར་བྱུང་ནས། བཀག་པར་མ་མཛད་འཛུམ་པར་མཛད།། འཁོར་གྱི་དོན་དེ་ཐུགས་ཆུད་ནས།། རིགས་ཀྱི་བུ་ཁྱོད་ཅེས་གསུངས་ཏེ།། ཁྱེད་རྣམས་ལེགས་པར་མཉན་འདོད་ན།། རྒྱུད་འདི་ཤིན་ཏུ་བརྟག
235a3 དཀའ་སྟེ།། མཚན་མ་ཀུན་དང་བྲལ་བས་སོ།། དཔའ་བོ་ཆེན་པོ་འཇོམས་པ་ནི།། ཤིན་ཏུ་བཟློག་པར་དཀའ་ན་ཡང་།། རེད་པའི་ཚུལ་གྱིས་རྣམ་པར་སྦྱང་།། འདུན་པ་དང་པོ་སྐྱེས་པ་ཡང་།། ཤིན་ཏུ་བཟློག་པར་རབ
235a4 ཏུ་དཀའ།། དེ་ནས་འཁོར་རྣམས་ཀྱིས་མགྲིན་གཅིག་ཏུ་དོན་ཞུས་པ། བདེ་བར་གཤེགས་པའི་དོན་རྟོགས་པ།། མཚན་མ་མེད་པ་དོན་གྱི་མཆོག། ཡི་གེ་མེད་པའི་དོན་མ་འཚལ།། བདེ་བར་གཤེགས་པ་ཡི་གེ
235a5 མེད།། གང་ཟག་ནོངས་པ་ཡི་གེ་ཅན།། བདག་ཅག་མཚན་མ་ལས་ལྡོག་པ།། རྟགས་རྣམས་ལྔ་ནས་གྲོལ་བར་ཆད།། དེ་ནས་ཐམས་ཅད་མཁྱེན་པ་དེས།། བཀའ་ཡི་དོན་དམ་ཡི་གེ་མེད།། གསུངས་པ་ལས་ནི་མ་ལོག
235a6 པ།། དང་པོར་རྒྱུད་ལ་བློ་སྦྱངས་པ།། བར་དུ་བསམ་པ་ཟག་ཆོད་པ།། ཡང་ན་ཡང་རབ་བློ་ཡི་རྩལ།། དོན་དམ་མགོ་སྨོས་གོ་བ་དང་།། ཐབས་མ་ནོར་བར་བསླབ་པ་དང་།། དེ་ལ་ཏ་ཀྱི་ཉིད་དུ་སྣང་།། ཁ་གསལ་བླ་བློ
iiif viewer powered by OpenSeadragon
