| e-texts navigator |
| Wylie |
233b1 སངས་རྒྱས་ཅིར་བསྟན་ཏོ།། ཨེ་མ་ཧོ་སངས་རྒྱས་དམ་པ་ཉིད་ལ་རོལ་པས་ཀྱང་།། ངོ་མཚར་རྨད་ཀྱི་ཆོས་འདི་གཏད་མི་བྱ།། རྟག་པ་ཆེན་པོ་རྟོགས་པར་རོལ་པ་ཆེ།། འདི་ལ་གནས་པའི་སྐལ་ལྡན་ལེགས་པ
233b2 ཆེ།། འདི་ལ་སྤྱོད་པའི་སྐལ་ལྡན་སྤྱོད་པ་བཟང་།། འདི་ལ་བལྟ་བའི་སྐལ་ལྡན་བལྟ་བ་བཟང་།། འདི་ལ་གནས་པའི་སྐལ་ལྡན་འདུག་ས་བཟང་།། ལམ་འདིར་འགྲོ་བ་རྣམས་ཀྱིས་རྣམས་རྫོགས།། ཕ་རོལ་ཕྱིན་བཅུས
233b3 རྣམས་ཡེ་ནས་དག། འདུག་སར་འདུག་པས་སངས་རྒྱས་ས་ལ་གནས།། གར་དུའང་མ་ཕྱིན་དེ་བཞིན་ཉིད་ཀྱི་ངང་།། ཉེ་ལམ་འདི་ལས་བདེ་བའི་ཉེ་བ་མེད།། གང་ཡང་མ་བསྒྲུབས་འབྲས་བུའི་ངོ་བོ་ཉིད།། རེ་མཛེས
233b4 ངོ་མཚར་ཆེ་བའི་གནས་ཆེན་འདི།། བདག་ཉིད་ཆེན་པོ་སྐལ་ལྡན་ཉག་གཅིག་ལས།། སུས་ཀྱང་འདི་ཉིད་རིག་པར་དཀའ་བའི་ཕྱིར།། ཉིད་ལ་ཉིད་ཀྱི་བསྟན་པ་ངོ་མཚར་ཆེ།། རྒྱུད་ཀྱི་རྒྱལ་པོ་ཆེན་པོ་རྒྱས་པའི
233b5 སྒོ།། བྱང་ཆུབ་ཀྱི་སེམས་ཁྱུང་ཆེན་གྱི་རྒྱུད་ལས། ཆོས་ཉིད་ཀྱི་དོན་བསྟན་པར་དཀའ་བ་དང་། ཉིད་ལ་ངོམས་པའི་ལེའུ་སྟེ་དགུ་པའོ།། །། དེ་ནས་བཅོམ་ལྡན་འདས་ཆེན་པོ་རྒྱུད་ཀྱི་དོན་བཤད་པས་མཉེས
233b6 པར་གྱུར་ཏོ།། མཉེས་ནས་རྒྱུད་ཀྱི་བདག་པོ་ལ་བསྟོད་པ། དཔལ་གྱི་སྐུ་མངའ་བཅོམ་ལྡན་ཉག་གཅིག་གཙོ།། བཟང་པོ་བླ་མེད་ཆེན་པོའི་དོན་མཛད་པ།། དོན་ཆེན་ཁྱད་པར་འཕགས་པ་རྒྱུད་ཀྱི་དོན།། ཉིད་ཀྱིས་ཉིད
iiif viewer powered by OpenSeadragon
