| e-texts navigator |
| Wylie |
231a1 པ་ལ་ཤིན་ཏུ་ཆགས་པ་དང་།། ཆགས་པ་ཉིད་ན་དེ་ལ་ཆགས་མེད་པ།། དེ་ནི་ཆགས་པའི་རྒྱལ་པོ་ཆེན་པོ་སྟེ།། ཤིན་ཏུ་ཆགས་པ་ཆེན་པོ་ཡིན་པར་གྲགས།། ཅི་ལའང་མི་གནས་བསམ་པ་ལས་འདས
231a2 པ།། ཏིང་འཛིན་བདེ་བའི་རོ་ལ་ཆགས་པ་མེད།། གཞི་རྩ་མེད་པའི་བྱང་ཆུབ་སེམས་ཉིད་འདི།། ཆོས་རྣམས་མ་ལུས་ཀུན་གྱི་རྩ་བ་ཡིན།། ཁ་དོག་དབྱིབས་མེད་མཚན་མ་རིགས་རྒྱུད་མེད།། ཡོད་མེད་མཐའ་འདས
231a3 དབུ་མ་ཡོད་མ་ཡིན།། ཕོ་མོ་མ་ཡིན་མ་ནིང་ཉིད་ཀྱང་མིན།། གང་ཡང་མ་ཡིན་གང་གི་མཐར་མི་གནས།། མཐར་ཡང་མི་གནས་ཡང་དག་མཐའ་ལས་འདས།། ཁྱུང་ཆེན་མཁའ་ལྡིང་བྱ་ལམ་རྗེས་མེད་འདྲ།། ཁྱུང་ཆེན
231a4 གཤོག་རྒྱས་མཁའ་ལ་མི་ཆགས་ཚུལ།། བསོད་ནམས་རྫོགས་པའི་ཐིག་ལེར་རྒྱུ་འབྲས་མེད།། རང་བཞིན་ལྷུན་གྱིས་གྲུབ་པའི་དཀྱིལ་འཁོར་འོད་གསལ་བས།། རིགས་ཀྱི་ཕྱག་རྒྱ་གསལ་བ་བསྒོམ་མི
231a5 དགོས།། མཆོག་གསུམ་ཆོས་སྐུའི་དཀྱིལ་འཁོར་བདག་ཡིན་པས།། སངས་རྒྱས་སྲས་ཚོགས་བཅས་ལ་ཕྱག་མི་འཚལ།། ཡེ་ཤེས་འབར་བའི་ཧོམ་ཁུང་བདག་གི་ཁར།། ཁམས་གསུམ་སྲིད་གསུམ་མ་ལུས་ཀུན
231a6 བསྲེགས་པས།། ཕྲིན་ལས་རྣམ་བཞི་བསྲེག་པའི་ལས་མི་དགོས།། སྐྱེ་མེད་ཐིག་ལེས་འཁོར་བ་ཀུན་བསད་དེ།། ཡེ་ཤེས་སྙིང་པོས་འཁོར་བ་ཀུན་སྦྱངས་ནས།། རྒྱུ་འབྲས་མེད་པའི་ངང་དུ་རོ་གཅིག
iiif viewer powered by OpenSeadragon
