| e-texts navigator |
| Wylie |
223b1 ཡིན།། སྣང་མེད་ཆོས་ཀྱིས་མ་ཟིན་གང་ཡང་མེད།། བླང་དོར་བཟང་ངན་མི་འབྱེད་བཟང་པོའི་མཆོག། དམྱལ་རྒྱུའི་སྐྱོན་གྱིས་མི་གོས་པདྨའི་སྒྲ།། སྡིག་སྤྱད་བྱང་ཆུབ་ཆེན་པོའི་ལྷུན་ལ་དག། ཚོགས་ཆེན་གཉིས་རོལ
223b2 བསོད་ནམས་རྒྱས་པའི་སྐུར།། འདི་མ་མཐོང་བར་སངས་རྒྱས་འདོད་པ་ནི།། དམིགས་བུ་མེད་པར་ལོང་བས་དོན་བགྲོད་ཀྱང་།། གནས་སུ་མི་སོན་གྲོགས་ག་འཆི་བཞིན་ནོ།། བྱང་ཆུབ་སེམས་རྩལ་ཆེན་གྱི་རྒྱུད་ལས།།
223b3 ཉིད་ཀྱི་བཤད་པའི་རྒྱུད་ཀྱི་དངོས་པོ་ལ་རྔམས་པའི་ལེའུ་སྟེ་བརྒྱད་པའོ།། །། དེ་ནས་བཅོམ་ལྡན་འདས་དཔལ་རྡོ་རྗེ་ཀུན་ཏུ་བཟང་པོ་ཉིད་ཅང་མི་གསུང་བར་བཞུགས་པ་ལ།། རྡོ་རྗེ་འཛིན་པས་བསྟོད་པ།
223b4 བཅོམ་ལྡན་འདས་ཀྱི་སྙིང་པོ་དཔེ་མེད་སྐུ།། རྣམ་གྲོལ་ཟག་པ་མེད་པ་ཟླ་གསལ་འདྲ།། མགོན་པོ་མཆོག་ཉིད་དཔའ་བོ་དོན་སྟོན་པའི།། དཔེ་མེད་དོན་འཛིན་ཁྱོད་ལ་ཕྱག་ཀྱང་འཚལ།། ལམ་མེད་ལམ་དང་བྲལ་བའི
223b5 སྙིང་པོའི་མཆོག། ཡེ་ནས་དག་པའི་ཆོས་ལ་ཕྱག་ཀྱང་འཚལ།། འདི་དོན་གུས་པས་སངས་རྒྱས་སྲས་རྣམས་ལའང་།། དོན་འཛིན་དཔའ་བོ་བཞིན་ཏེ་ཕྱག་ཀྱང་འཚལ།། ཆོས་ལམ་དེ་བཞིན་གསལ་བའང་བཞིན་ཕྱག
223b6 འཚལ།། འཆད་དང་འདྲི་དང་ཁ་ཏོན་དོན་བསྒོམ་ཞིང་།། འདུས་ཤིང་འཛིན་པ་ལའང་བཞིན་ཕྱག་འཚལ།། དེ་ནས་དཔའ་བོས་རྒྱུད་གཏད་པའི་དོན། བདག་དང་དབྱེར་མེད་རྒྱལ་བ་ཀུན་གྱི་ཐུགས།། དེ་བཞིན་མཆོག
iiif viewer powered by OpenSeadragon
