| e-texts navigator |
| Wylie |
222b1 ན།། སེམས་དེ་ལ་ནི་གཅད་དུ་ཅིའང་མེད།། ད་ལྟར་གྱི་ནི་རྣམ་ཤེས་མི་སྐྱེ་ཞིང་།། སེམས་ལ་སེམས་མེད་པར་ནི་ཤེས་འགྱུར་ཏེ།། ཆོས་ལ་ཆོས་མེད་པར་ཡང་ཤེས་པ་ནི།། སངས་རྒྱས་ཐམས་ཅད་དམ་པ་དེ
222b2 གསུམ་སྤྱོད།། སྙིང་པོ་འབྱུང་བས་ཆོས་སྐུ་གཞན་ན་མེད།། སྤྱོད་མེད་སྤྱད་ལས་འདས་པས་སྤྱོད་པའི་མཆོག། དེ་ལ་སྙིང་པོ་འབྱུང་སྟེ་ཆོས་ཀྱི་སྐུའོ།། གཞན་དུ་དོན་སྨྲ་མུ་སྟེགས་འཁྲུལ་པའི་ལམ།། སྐོམ་པ་ཆུས
222b3 གདུངས་སྨིག་རྒྱུ་བསྙེགས་པ་འདྲ།། བྱང་ཆུབ་སེམས་རྩལ་ཆེན་གྱི་རྒྱུད་ལས། སྤྱོད་པའི་རྣམ་གྲངས་སོ་སོར་བསྟན་པའི་ལེའུ་སྟེ་དྲུག་པའོ།། །། དེ་ནས་བཅོམ་ལྡན་འདས་ཀུན་ཏུ་བཟང་པོ་ཉིད་ཀྱིས་ཆེད་དུ་བརྗོད
222b4 པ་འདི་བརྗོད་དོ།། མི་གནས་མི་དམིགས་མི་འགྱུར་བྱང་ཆུབ་སེམས།། མངོན་སུམ་མི་གནས་ཐབས་ཀྱིས་དེ་ལ་རོལ།། སྟོན་པས་བཤད་པ་དོན་གཉེར་རུང་མ་ཡིན།། ཐོས་པར་མི་རིགས་མཉན་པོའི་ཐ་སྙད
222b5 བྲལ།། ཆོས་དང་ཆོས་མིན་འདྲེས་པའི་ཐིག་ལེ་འདི།། ལྷག་པའི་དོན་ཡིན་པས་ན་བཤད་དུ་མེད།། ཇི་ལྟར་གྲིབ་མ་བཟུང་བར་འདོད་པས་ཀྱང་།། ལྕགས་ཀྱུས་བཟུང་ངམ་སྣོད་དུ་བྱས་ནས་ཀྱང་།། གཟུགས་བརྙན
222b6 གྲིབ་མ་གཟུགས་ལ་དག་པ་བཞིན།། སྐུ་ཡི་ཕྱག་རྒྱ་སྤྲོ་བསྡུ་གསལ་འགྱུར་བ།། ཏིང་འཛིན་བརྟན་པས་ཇི་ལྟར་བཟུང་གྱུར་ཀྱང་།། ཆོས་ཀྱི་དབྱིངས་ལ་ཡེ་ནས་རྣམ་པར་དག། རྟོག་དཔྱོད་བྱིས་པའི་ཆོས་ལས་འཛིན་པ
iiif viewer powered by OpenSeadragon
