| e-texts navigator |
| Wylie |
221b1 ཁྱབ།། ཡེ་ཁྱབ་གནས་པའི་སྨན་ཆེན་མ་བྱས་ན།། མཐོ་རིས་བགྲོད་པའི་དོན་དེས་ཟིན་པ་ནི།། ཐར་པའི་དུས་མེད་མཆིལ་པས་ཉ་ཟིན་འདྲ།། ལྟོས་པའི་ཆོས་བྲལ་བདག་མེད་གཅིག་པུ་པ།། མི་ལེན་མི་སྤང་ཀུན་ཏུ
221b2 རང་བཞིན་གནས།། བཙལ་བས་རྙེད་པའི་ཡུལ་མེད་སྟོང་པའི་སྙིང་།། རྩོལ་འདོད་རི་དྭགས་སྨིག་རྒྱུ་བསྙེག་པ་འདྲ།། ལྷུན་རྫོགས་རང་བྱུང་ཆེ་བའི་ཡུལ་ལ་གནས།། མེད་པ་མ་ཡིན་མེད་པའི་སྙིང་པོ་འབྱུང་།། གཉིས
221b3 མེད་ཉིད་ཀྱང་ཚིག་གི་མཐའ་དང་བྲལ།། སྤྱོད་པ་ལས་འདས་སྡོམ་རྩོལ་ཀུན་ལས་འཕགས། བྱང་ཆུབ་སེམས་རྩལ་ཆེན་སྤྲུགས་པའི་རྒྱུད་ལས། ལྷུན་གྱིས་གནས་པ་དམ་ཚིག་གི་ལེའུ་སྟེ་བཞི་པའོ།། །། དེ་ནས
221b4 བཅོམ་ལྡན་འདས་ཀུན་ཏུ་བཟང་པོས། ཏིང་ངེ་འཛིན་གྱི་དོན་བརྗོད་པར་བྱ་བ་ཆེད་དུ་བརྗོད་པ། བསམ་འདས་བསམ་མེད་དོན་ལ་བསམ་པར་བྱ།། མཛུབ་མོས་ཟླ་ཚེས་མཚོན་མཐོང་ཇི་བཞིན་དུ།། མེད་པའི་སྙིང་པོ
221b5 ལས་ནི་ཡོད་པ་འབྱུང་།། འདུ་ཤེས་བཅོམ་པ་སྙོམས་པའི་མཚན་ཉིད་དེ།། བྱིས་པ་ཡིད་སྤྱོད་ཕྱག་རྒྱར་འཛིན་པ་ལས།། བསམ་པའི་ཏིང་འཛིན་བཅོམ་པའི་ཏིང་འཛིན་འཕགས།། ཉིད་ཀྱིས་ཉིད་ལ་བརྗོད་པར་བྱས་པ
221b6 ནི།། རང་བྱུང་ཆེ་བའི་སྐུ་ཉིད་ཇི་བཞིན་གནས།། ཀུན་ཏུ་ཁྱབ་པས་བསྣན་པའི་ཆོས་མེད་དེ།། ཡེ་ཤེས་ལྷུན་རྫོགས་དབྱིངས་ཉིད་དཔག་ཏུ་མེད།། བརྟགས་ཀྱང་མཐོང་མེད་ཡེ་ནས་རྣམ་པར་དག། གཙང་སྨེ་མེད་པར
iiif viewer powered by OpenSeadragon
