| e-texts navigator |
| Wylie |
220a1 དབང་།། བདག་གཞན་བརྟགས་པས་མུ་སྟེགས་འཕྲུལ་པའི་ལམ།། བྱིས་པས་བསླུས་པས་ཆོས་སྤྱོད་ལམ་ལ་བཙུད།། ཕྱིན་པའི་དུས་མེད་རྟོགས་པའི་དུས་མེད་པས།། གཉིས་མེད་ཆོས་ནི་རྙེད་པར་ག
220a2 ལ་འགྱུར།། བྱང་ཆུབ་སེམས་རྩལ་ཆེན་སྤྲུགས་པའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །། དེ་ནས་བཅོམ་ལྡན་འདས་དཔལ་རྡོ་རྗེ་སེམས་དཔས་ཡང་ཕྱག་འཚལ་ནས། བཅོམ་ལྡན་འདས་དཔལ་ཆེན་པོ།
220a3 བདག་མེད་གཉིས་མེད་རྣམ་པར་དག་པའི་ལམ།། གང་ལ་བརྟེན་ཏེ་བསྒྲུབ་པར་བྱ།། ཡང་དག་པ་ཡི་གཙོ་བོས་བཤད་དུ་གསོལ།། ཞེས་བཅོམ་ལྡན་འདས་ལ་ཞུས་པས། བཅོམ་ལྡན་འདས་དཔལ་ཀུན་ཏུ་བཟང་པོས
220a4 དོན་ཐུགས་སུ་ཆུད་ནས་བཀའ་སྩལ་པ། དམ་པའི་དགེ་བཤེས་ལ་བརྟེན་ཏེ་དང་སེམས་བསྐྱེད། རྒྱུ་ལམ་དེ་བགྲོད་རིམ་ཞུགས་འབྲས་རྙེད་ཚེ།། གཉིས་མེད་བདེ་བར་ཕྱིན་ཕྱིར་དེ་བཞིན་ནོ།། མི་གཡོའི་རང་བཞིན
220a5 གནས་པའི་ཆོས་ཉིད་དེ།། སྟོང་པ་ཉིད་དེ་སྟོང་པའི་ཡུལ་ལ་གནས།། བརྟགས་ན་མངོན་སུམ་མི་གནས་རྙེད་མཐའ་མེད།། ལམ་ལ་ལྟོས་པའི་གནས་མེད་བསམ་དང་བྲལ།། རང་བཞིན་ཉིད་ལས་ཡིད་མི་འཇོག་པ
220a6 ནི།། བདག་མེད་སྨན་ཆེན་གཏོང་བའི་སློབ་དཔོན་དེ།། དགེ་བཤེས་ཀུན་ལས་འབྱུང་བའི་རིན་པོ་ཆེ།། བདག་དང་གཞན་དུ་བྲལ་བའི་སྟོན་མཁན་ཉིད།། གཞན་ནས་མ་བྱུང་རང་རིག་བྱང་ཆུབ་སེམས།། དཔེའམ་ཚད
iiif viewer powered by OpenSeadragon
