| e-texts navigator |
| Wylie |
219b1 པ།། ཙིཏྟའི་དཀྱིལ་དུ་རབ་ཏུ་བསྟིམ་པར་བྱའོ།། དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོས་ཞུས་པའི་དོན་ཐུགས་སུ་ཆུད་ནས་བཀའ་སྩལ་པ།། ཀུན་གྱི་རང་བཞིན་བླ་མེད་ཞི་བའི་ཆོས།། རྒྱལ་བའི་ལམ
219b2 མཆོག་རྗེ་བཙུན་དམ་པ་ཉིད།། གཉིས་མེད་བདེ་ཆེན་ཡོངས་ཀྱིས་དག་པ་ལ།། རྒྱལ་སོགས་ལྟ་སྤྱོད་འཛིན་སྒོམ་དེ་བཞིན་གནས།། ཞེས་བཀའ་སྩལ་པ་ལས། བཅོམ་ལྡན་འདས་དཔལ་རྡོ་རྗེ་སེམས་དཔའ་ལ་སོགས
219b3 པ་ཡིད་རབ་ཏུ་མགུ་བར་གྱུར་ནས། མཆོག་གསུམ་ལྷུན་གྱིས་རྫོགས་པ་སངས་རྒྱས་ཉིད་དེ་རྒྱལ་པོ་ཆེ།། རྟོག་དཔྱོད་རྣམ་དག་གཉིས་མེད་ཆོས་ཀྱི་དབྱིངས།། བསྟན་པའི་ལམ་ཆེན་དེ་ལ་གཉིས་མེད་གནས།། མཉམ
219b4 པར་ཤེས་ཕྱིར་ཕྱག་ཀྱང་རབ་ཏུ་འཚལ།། དེ་ནས་བཅོམ་ལྡན་འདས་ཀུན་ཏུ་བཟང་པོ་ཉིད་ཀྱིས་ཆེད་དུ་བརྗོད་པར་བྱ་བ་བརྗོད་པ། སྒོ་སྐུར་བཅིང་གྲོལ་དག་པའི་ཆོས་དབྱིངས་ལ།། བློ་རྟོག་བྱིས་པའི་སྤྱོད་པས་ཅི་ཞིག
219b5 བསླུ།། རྒྱུ་འབྲས་དབྱེར་མེད་སངས་རྒྱས་སེམས་ཅན་ཞིང་།། ཀུན་གྱི་སྤྱོད་ཡུལ་གཞི་རྩ་མེད་པ་ལ།། འཁྲུལ་པས་ནོར་པའི་ལམ་དུ་བརྟགས་པ་ཡང་།། བསྟན་པའི་ལམ་ཆེན་པོ་ལས་གཞན་མེད་པས།། མཉམ་པར
219b6 ཤེས་པ་སངས་རྒྱས་ཀུན་གྱི་རྗེ།། ང་དང་བདག་ཏུ་བརྟགས་པས་རབ་ཞི་བའི།། མཆོག་ཏུ་རྨད་བྱུང་ཕྱི་དང་ནང་ཀུན་དབྱིངས།། ཡེ་ནས་རྣམ་པར་དག་པའི་སྤྱོད་ཡུལ་ལ།། སེམས་ཅན་སངས་རྒྱས་གཉིས་མེད་སྐལ་ཅན
iiif viewer powered by OpenSeadragon
