| e-texts navigator |
| Wylie |
219a1 མངའ་བརྙེས་པའི་སྤྱན་སྔའི་མདུན་དུ་པུས་མོ་ས་ལ་བཙུགས་ནས་འདུག་གོ།། འདུག་ནས་ཀྱང་བཅོམ་ལྡན་འདས་དཔལ་ཀུན་ཏུ་བཟང་པོ་ཅང་མི་གསུང་བར་འཛུམ་པ་མཛད་དོ།། དེ་ནས་བཅོམ་ལྡན
219a2 འདས་དཔལ་ཀུན་ཏུ་བཟང་པོ་ཆེན་པོའི་སྤྱན་སྔ་ནས་ལངས་ནས་བཅོམ་ལྡན་འདས་ཆོས་ཐམས་ཅད་ཀྱི་དེ་ཁོ་ན་ཉིད་རང་བཞིན་གྱིས་དབེན་པའི་དོན་ཞུ་བའི་ཕྱིར་འདི་སྐད་ཅེས་གསོལ་ཏོ།། བྱར་མེད་རྩལ་སྤྲུགས
219a3 བདག་མེད་ལམ་གྱི་འབྲས།། མ་བཅོས་རང་བཞིན་གསང་བའི་རང་བཞིན་ཉིད།། གཉིས་མེད་རྩལ་སྤྲུགས་བལྟ་སྤྱོད་རྣམ་དག་ཉིད།། བཅོམ་ལྡན་འདས་ཀྱིས་བཤད་དུ་གསོལ་ལགས་སོ།། ཞེས་གསོལ་ཏོ།། དེ་ནས
219a4 བཅོམ་ལྡན་འདས་དཔལ་ཀུན་ཏུ་བཟང་པོས། རྡོ་རྗེ་སེམས་དཔའ་ལ་སོགས་པ་དང་། མཆོད་པ་རྣམས་དང་བཅས་པ་ཉིད་ཀྱི་སྐུ་ལ་བསྟིམས་སོ།། དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོས་གཉིས་སུ་མེད
219a5 པར་དག་པའི་ཏིང་ངེ་འཛིན་ལ་སྙོམས་པར་ཞུགས་སོ།། ཞུགས་མ་ཐག་ཏུ་འཁོར་རྣམས་སྐུ་ལས་བཏོན་ཏོ།། དེ་ནས་དེ་རྣམས་དབང་བསྐུར་བྱ་བའི་ཕྱིར་བཅོམ་ལྡན་འདས་ཀྱིས་བཀའ་སྩལ་པ། ཕྱི་དང་ནང་མེད་ཐམས
219a6 ཅད་ཆོས་ཀྱི་དབྱིངས།། རྣམ་པར་དག་པའི་སྤྱོད་ཡུལ་གཉིས་མེད་ལ།། སངས་རྒྱས་སེམས་ཅན་ཡོངས་ཀྱིས་མེད་པ་སྟེ།། བསྒྲུབ་མེད་རྩལ་སྦུགས་སྨོན་པ་མེད་པ་ཡི།། མ་ནོར་དམ་པའི་ལམ་ཆེན་ལྷུན་རྫོགས
iiif viewer powered by OpenSeadragon
