| e-texts navigator |
| Wylie |
218b1 ཙ་ནས་བསྐུར་རོ།། །། @#།། རྒྱ་གར་སྐད་དུ། བོ་དྷི་ཙིཏྟ་མ་ཧཱ་པ་རཱ་ཀྲ་མ་ཏནྟ། བོད་སྐད་དུ། བྱང་ཆུབ་སེམས་རྩལ་ཆེན་གྱི་རྒྱུད། དཔལ་ཀུན་ཏུ་བཟང་པོ་ལ་ཕྱག་འཚལ་ལོ།། འདི་སྐད
218b2 བདག་གིས་ཐོས་པའི་དུས་གཅིག་ན།། དེ་བཞིན་གཤེགས་པ་ཡང་དག་པར་རྫོགས་པའི་སངས་རྒྱས་རྟག་པ་ཆེན་པོའི་ངོ་བོ་ཉིད་ཀྱི་བཞུགས་པ་ཐམས་ཅད་ཀྱི་དེ་ཁོ་ན་ཉིད་ལ་ལོངས་སྤྱོད་པ། ཀུན་གྱི་རང་བཞིན་རྣམ
218b3 པར་དག་པ་གཅིག་ཏུ་ལྷུན་གྱིས་གྲུབ་པའི་བདག་ཉིད་གང་ཡང་སོ་སོ་མ་ཡིན་ཐ་མི་དད་དབྱེར་མེད་པའི་དེ་བཞིན་ཏེ། སྙིད་སྦྱིན་པ་ཆེན་པོ་བྱང་ཆུབ་ཀྱིས་སྙིང་པོ་གང་ན་ཐ་ན་རྟག་པར་དེ་བཞིན་ནོ།། དེ་ནས་ལོངས་སྤྱོད
218b4 ཆེན་པོ་ལ་རྫོགས་པར་སྤྱོད་པ་ནི། ནོར་བུ་རིན་པོ་ཆེའི་ཞལ་རབ་ཏུ་འོད་གསལ་བ། འཁར་བ་བཟང་པོའི་མེ་ལོང་བཞིན་འཛིན་ཅིང་སྤྱོད་པ་ཐམས་ཅད་ལ་མངའ་མཛད་པའི་མཆོག་ཏུ་བྱུང་བ་ནི་གཙོ་བོའི་ཁབ
218b5 ན།། ནོར་བུ་རིན་པོ་ཆེའི་ཚུལ་དུ་འདུག་ནས་ཐམས་ཅད་ཀྱི་བསམ་པ་སྡུད་པར་བྱེད་དོ།། དེ་ནས་བཅོམ་ལྡན་འདས་དཔལ་རྡོ་རྗེ་སེམས་དཔའ་ཆེན་པོ་དང་པདྨ་ཅན་ལ་སོགས་པ་རྣམས་ཀྱིས་བདུག་པ་དང་སྒེག་མོ་ལ
218b6 སོགས་པ་རྣམས་ཀྱིས་མཆོད་པས་རྒྱས་པར་མཆོད་ནས། ཤིན་ཏུ་སྙན་པའི་དབྱངས་ཀྱིས་བསྟོད་དོ།། དེ་ནས་གཡས་སུ་ལན་གསུམ་བསྐོར་ནས། བཅོམ་ལྡན་འདས་དཔལ་ཀུན་ཏུ་བཟང་པོ་སྤྱོད་པ་ཐམས་ཅད་ལ
iiif viewer powered by OpenSeadragon
