| e-texts navigator |
| Wylie |
218a1 སེམས་དཔའ་ཆེ།། རྨད་བྱུང་བཅུ་གསུམ་སྐྱེ་མེད་དོན།། འཁོར་བ་རྩད་ནས་གཅོད་པའི་ཆོས།། འདི་མ་ཤེས་པས་ངལ་བའི་ལམ།། འདི་དོན་རྟོགས་ཀྱི་རྣལ་འབྱོར་པ།། གང་ལྟར་སྤྱད་ཀྱང་བདེ་ཆེན
218a2 ཀློསློང་།། རྫོགས་ཆེན་ཨ་ཏིའི་བསྟན་པ་ནི།། མི་ནུབ་ནུབ་པར་མི་འགྱུར་རོ།། དོན་ལ་འགྱུར་བ་མེད་པའི་ཕྱིར།། ཡིད་བཞིན་ནོར་བུའི་རྒྱལ་མཚན་རྩེ།། རྨད་བྱུང་རིན་ཆེན་ཟ་མ་ཏོག། དོན་དམ་སྐྱེ་བ་མེད་པའི
218a3 རྒྱུད།། རིགས་ལྔ་བདེ་གཤེགས་བྱང་ཆུབ་སེམས།། རྡོ་རྗེ་སེམས་དཔའ་མཆོག་གི་ལམ།། ཀུན་བཟང་ཐུགས་ཀྱི་བཅུད་ཏིག་པ།། སེམས་དཔའ་རྡོ་རྗེ་ཁྱོད་ལ་གཏད།། བློ་ཡི་པདྨ་ཁ་ཕྱེས་ལ།། སྙིང་གི་དཀྱིལ་དུ
218a4 བསྒོམ་པར་གྱིས།། དེ་ནས་རྡོ་རྗེ་སེམས་དཔའ་དང་།། རིགས་ལྔའི་སངས་རྒྱས་བྱང་ཆུབ་སེམས།། མགོན་པོའི་ཚོགས་དང་བཅས་པ་ཡིས།། མ་སྐྱེས་སྤྲོས་བྲལ་ཀུན་ཏུ་བཟང་།། རིན་ཆེན་སྒྲོན་མས་གཏི་མུག
218a5 སེལ།། རྨད་བྱུང་རྒྱལ་བ་ཀུན་གྱི་ཡབ།། རྡོ་རྗེ་འཆང་ཆེན་རིགས་ལྔའི་གཙོ།། ཀུན་རིག་རྒྱལ་པོ་ཐམས་ཅད་མཁྱེན།། མཉམ་པའི་རྒྱལ་པོར་ཕྱག་འཚལ་བསྟོད།། དེ་བཞིན་ཉིད་ལ་རྟག་ཏུ་འདུད།། ཡེ་ཤེས་རྒྱལ
218a6 པོར་མངོན་པར་བསྟོད།། ཆོས་ཐམས་ཅད་རིན་པོ་ཆེ་དང་མཉམ་པ་སྐྱེ་བ་མེད་པའི་རྒྱུད། བཅོམ་ལྡན་འདས་ཀུན་རིག་རྒྱལ་པོས་གསུངས་པ་རྫོགས་སོ།། རྒྱ་གར་གྱི་མཁན་པོ་ཤྲཱི་སིངྒ་དང་། བོད་ཀྱི་ལོ་ཙཱ་བ་བཻ་རོ།
iiif viewer powered by OpenSeadragon
