| e-texts navigator |
| Wylie |
217a1 འགྱུར།། སེང་གེ་གཅིག་པུར་གནས་པ་བཞིན།། རྫོགས་པ་སྤྱི་གཅོད་ཡིན་པར་སྨྲ།། དོན་ལ་མི་གནས་བསྲུང་མཚམས་བྲལ།། ནེ་ཙོས་སྨྲས་ཀྱང་དོན་མེད་ལྟར།། རང་གཞུང་སྒྲ་ཐེག་བརྒྱད་པོ་ཡང་།། སྤྱི
217a2 གཅོད་རྫོགས་ཆེན་དང་ལས་འགལ།། རིན་པོ་ཆེ་དང་མཉམ་པ་སྐྱེ་བ་མེད་པའི་རྒྱུད་ལས། ཐེག་པ་སྤྱི་གཅོད་ཀྱི་ལེའུ་སྟེ་བཅུ་གཉིས་པའོ།། །། དེ་ནས་བཅོམ་ལྡན་བཀའ་སྩལ་པ།། མ་བཅོས་རང་བཞིན་གསལ
217a3 བས་ན།། འགྱུར་མེད་ལྷུན་གྱིས་གྲུབ་པའི་ཏིག། ཆོས་ཉིད་བདེ་ཆེན་ཀློང་ཡངས་བརྡལ།། རང་བྱུང་འགྱུར་མེད་སྤྲོས་བྲལ་ཏིག། བྱང་ཆུབ་སེམས་ཆེན་ཀུན་ཏུ་བཟང་།། དུས་གསུམ་གཅིག་ཏུ་གནས་པས་ཏིག། འཁོར
217a4 བ་ཡང་བསྒྲལ་ཨ་ཏི་ལ།། སྣང་སྲིད་ཀུན་སངས་རྒྱས་པའི་ཏིག། འཁོར་བ་ཀུན་རྒྱལ་བྱང་སེམས་མཆོག། དུག་གསུམ་གནས་ཚོལ་སྐུ་གསུམ་ཏིག། དུག་ལྔ་མ་བསྒྲིབས་མྱ་ངན་འདས།། ཡེ་ཤེས་ལྔ་རུ་གསལ་བའི
217a5 ཏིག། ཐུགས་ལ་བརྟོལ་བ་བསྟན་པ་ཡིས།། བྱང་ཆུབ་སེམས་མཆོག་བདེ་ཆེན་འདི།། མ་གྲོལ་ལུང་ལས་ཅི་བསྟན་ཏིག། ཐེག་ཀུན་གཅིག་གསལ་ཨ་ཏི་ལ།། ཆོས་རྣམས་དབྱེར་མེད་སྐྱེ་མེད་ཏིག། ཉན་ཐོས་མདོ་སྡེ་ཀྲི།
217a6 ཡཱ་གསུམ།། རྒྱུ་ལས་འབྲས་བུ་ཚོལ་བའི་ཕྱིར།། རྩོལ་བྲལ་ལུང་ལས་གོལ་བར་བསྟན།། ཡོ་ག་རྣམ་གསུམ་རྩོལ་བས་སྤགས།། བྱིས་རྩེད་འདྲ་སྟེ་དོན་ལས་གོལ།། དུས་གསུམ་འགྱུར་མེད་བྱང་ཆུབ་སེམས།། སྒྲིབ་པ
iiif viewer powered by OpenSeadragon
