| e-texts navigator |
| Wylie |
216a1 འདས་རིན་ཆེན་དག། བགྲོད་མེད་རྣམ་གྲོལ་ལམ་སྟོན་པ།། གཞན་ནས་རྙེད་པར་མི་འགྱུར་ཏེ།། ཐིག་ལེ་ཆེན་པོ་ཀུན་ཁྱབ་གནས།། རང་བྱུང་མ་བཅོས་ཡེ་ནས་གསལ།། རྩོལ་བས་བཙལ་མེད་སྙིང
216a2 པོའི་དོན།། རྣམ་སྣང་རྟག་པར་ཀུན་ཏུ་བཟང་།། གཉིས་མེད་བདེ་མཆོག་ལྷུན་གྱིས་གྲུབ།། རྟག་ཆེན་བདེ་ལ་རྟག་སྤྱོད་པ།། བདེ་ཆེན་ལོངས་སྤྱོད་རྫོགས་པ་ནི།། འདི་ཤེས་རྣལ་འབྱོར་སྤྱོད་ཡུལ་ཏེ།། དྲང་སྲོང་ཆེན་པོ
216a3 རྣམས་ཀྱི་ནི།། སྤྱོད་ཡུལ་ཡིན་ཞེས་ངེས་པར་གསུངས།། རིན་པོ་ཆེ་དང་མཉམ་པ་སྐྱེ་བ་མེད་པའི་རྒྱུད་ལས། ཡིད་བཞིན་ནོར་བུའི་ལེའུ་སྟེ་བཅུ་པའོ།། །། དེ་ནས་བཅོམ་ལྡན་བཀའ་སྩལ་པ།། བདེ་བ་ཆེན་པོའི
216a4 བྱང་ཆུབ་སེམས།། འགྲོ་བའི་དོན་དུ་ཕྲ་བཀོད་པས།། མ་སྐྱེས་བདེ་བའི་བྱང་ཆུབ་ལ།། ཉོན་མོངས་སྐྱོན་གྱིས་མ་གོས་ཏེ།། ཚོགས་རྣམས་མ་བསགས་སྐྱེ་མེད་ཀློང་།། བདེ་ཆེན་ཕྲ་བཀོད་ལྷུན་གྱིས
216a5 རྫོགས།། ནམ་མཁའ་བཞིན་དུ་ཀུན་ལ་ཁྱབ།། སེམས་ལ་དམིགས་པའི་ཡུལ་མེད་པས།། ལྟ་བ་ཏིང་འཛིན་གསང་བའི་སྔགས།། ངོ་བོ་ཉིད་ཀྱི་ཕྲ་བཀོད་པས།། དཔལ་ཆེན་ཐུགས་རྗེས་འཁོར་བ་ཟུང་།། གཞལ་ཡས
216a6 ཁང་ཆེན་དེ་དག་གིས།། ཡེ་ཤེས་རང་ལ་འོད་གསལ་ཏེ།། སྐྱེ་འགག་གཉིས་མེད་མེ་དང་འདྲ།། དག་པའི་སངས་རྒྱས་ལན་ཐོབ་པས།། དོན་དུ་སངས་རྒྱས་ཉིད་ལ་གནས།། ནམ་མཁའ་ལྟ་བུར་ཆགས་པ་མེད།། བདེ
iiif viewer powered by OpenSeadragon
