| e-texts navigator |
| Wylie |
215b1 ཆེན་སངས་རྒྱས་མྱུ་གུ་འབྱུང་།། རྒྱུ་ལ་ལྟོས་པ་མེད་པའི་ཕྱིར།། རྐྱེན་གྱིས་གཞིག་ཏུ་མེད་པའོ།། སྐྱེ་འགག་མེད་པའི་མྱུ་གུ་དེ།། ཡུལ་ལ་དམིགས་པ་མེད་པས་ན།། སེམས་ལ་འཕོ་འགྱུར་ག་ལ་ཡོད།། ཡུལ་སེམས་འདུ
215b2 འབྲལ་མེད་པས་ན།། སྦྱོར་བའི་མྱུ་གུ་འབྱུང་བར་ངེས།། དེ་ལ་འགོག་མེད་སྒྲོལ་བར་བརྟག། དུས་གསུམ་འགྱུར་མེད་བྱང་ཆུབ་སེམས།། མ་བཅོས་ལྷུན་གྲུབ་ཡེ་སངས་རྒྱས།། བསྲུང་མེད་དམ་ཚིག་ཆེན་པོ་ལ།། ཡེ
215b3 བསྲུངས་གདེང་ཆོད་མྱུ་གུ་འབྱུང་།། བསྒོམ་མེད་དམིགས་པ་ཆེན་པོ་ལ།། མ་ཡེངས་མཉམ་པ་ཆེན་པོར་བཞག། རྟོག་མེད་སྤྲོས་བྲལ་བྱང་ཆུབ་སེམས།། གཟུང་འཛིན་མེད་པའི་ངང་ཉིད་ལས།། བླ་ན་མེད་པའི་མྱུ་གུ
215b4 འབྱུང་།། རྒྱུ་ལ་རག་མེད་བྱང་ཆུབ་སེམས།། རྐྱེན་བྲལ་ཡོན་ཏན་མྱུ་གུ་འབྱུང་།། འབྱུང་ལྔ་ཡེ་སངས་རྒྱས་པ་ལ།། སྣང་སྲིད་ལྷ་ད་ལ་མྱུ་གུ་འབྱུང་།། བྱང་ཆུབ་སེམས་ཆེན་རྒྱལ་པོ་འདི།། ཐམས་ཅད་ཡེ་སངས་རྒྱས་པ
215b5 ཡིས།། རྒྱུད་དྲུག་གནས་སུ་རྣམ་དག་པས།། བཙལ་བའི་བསམ་པ་བསྐྱོད་པ་མེད།། ལུང་ལ་སྒྲིབ་པ་མེད་པས་ན།། ཟབ་མོ་དོན་གྱི་མྱུ་གུ་འདིས།། སེམས་ལ་དོགས་མེད་ཀུན་གྱི་གཞི།། དུག་གསུམ་རྩད་གཅོད་བྱང
215b6 ཆུབ་སེམས།། འཁོར་བ་ཐམས་ཅད་བསྒྲལ་བའོ།། རིན་པོ་ཆེ་དང་མཉམ་པ་སྐྱེ་བ་མེད་པའི་རྒྱུད་ལས། བྱང་ཆུབ་སེམས་མྱུ་གུའི་ལེའུ་སྟེ་དགུ་པའོ།། །། དེ་ནས་བཅོམ་ལྡན་བཀའ་སྩལ་པ།། ཁམས་གསུམ་ལས
iiif viewer powered by OpenSeadragon
