| e-texts navigator |
| Wylie |
215a1 མེད།། སྐྱེ་འགག་མེད་པས་སྲོག་ཅེས་བྱ།། འགྱུར་བ་མེད་པས་ཨ་ཏི་རུ།། འགྲོ་རྣམས་སྐྱེ་ཤི་མེད་པར་བསྒྲལ།། དེ་ཕྱིར་འཆི་མེད་སྲོག་ཅེས་བྱ།། སྐྱེ་ཤི་མེད་པས་སེམས་ཉིད་སྲོག། སྲིད་གསུམ་འཁོར
215a2 ལོ་བསྐོར་བས་ན།། སྲོག་གི་འཁོར་ལོ་ཞེས་སུ་གྲགས།། ཡུལ་ལ་ངེས་པ་མེད་པས་ན།། སེམས་ཀྱི་རེ་དོགས་རྣམ་པར་མེད།། འཛིན་ཆགས་མེད་པས་འཆིང་བ་མེད།། སྐྱེ་མེད་དེ་ལ་སྲོག་ཅེས་བྱ།། དུས་གསུམ་རྡོ་རྗེ
215a3 འདུས་མ་བྱས།། སྣང་སྲིད་ཡེ་སངས་རྒྱས་པས་སྲོག། འཕགས་པའི་དོན་ལ་དབྱེ་བ་མེད།། དུས་གསུམ་འགྱུར་བ་མེད་པས་ན།། གར་ཡང་འཕོ་བ་མེད་པས་སྲོག། བསམ་དུ་མེད་པའི་ཆོས་ཉིད་ལ།། བརྗོད་དུ་མེད
215a4 པའི་རིག་པ་བཞག། ཆགས་མེད་འདུ་འབྲལ་མེད་པས་སྲོག། སྐྱེ་ཤི་བྲལ་བས་རང་བྱུང་ཀློང་།། མ་ཡེངས་གསལ་བས་སྲོག་གི་དོན།། ཀུན་ལ་ཁྱབ་པས་བྱང་ཆུབ་དོན།། འགྱུར་མེད་ལྷུན་གྱིས་གྲུབ་པས་ན།། སྒྲ་བསམ
215a5 ཡུལ་ལས་འདས་པའོ།། གང་ལ་ཆགས་མེད་བྱང་ཆུབ་ལམ།། སྤྲོས་བྲལ་སྲོག་གི་འཁོར་ལོའོ།། རིན་པོ་ཆེ་དང་མཉམ་པ་སྐྱེ་བ་མེད་པའི་རྒྱུད་ལས། སྲོག་གི་འཁོར་ལོའི་ལེའུ་སྟེ་བརྒྱད་པའོ།། །། དེ་ནས་བཅོམ
215a6 ལྡན་བཀའ་སྩལ་པ།། རྒྱུ་རྐྱེན་ཚོགས་པའི་སྡོང་བུ་ལས།། མྱུ་གུ་དོན་གྱིས་འབྱུང་བ་ལྟར།། མ་བཅོས་ངང་ལ་རང་བཞིན་གནས།། གནས་པས་དམིགས་མེད་མྱུ་གུ་འབྱུང་།། སྤྲོས་མེད་བྱང་ཆུབ་སེམས་ཉིད་ལས།། རིན
iiif viewer powered by OpenSeadragon
