| e-texts navigator |
| Wylie |
214b1 ཆེན་འདི།། གཟུང་འཛིན་སྤངས་པའི་མཉམ་པའི་རྒྱལ།། ཡེ་ཤེས་རོལ་པས་གཅིག་ཏུ་གསལ།། སྙིང་རྗེ་མེད་པར་གསོད་པ་དང་།། བལྟ་བ་མེད་པར་ཟ་བ་ཡིས།། འགྲོ་དྲུག་ཡེ་ནས་སངས་རྒྱས་ཏེ།། ཐམས་ཅད་ལྷག
214b2 མ་མེད་པར་བསྒྲལ།། ཅི་ལྟར་སྣང་བ་ཀུན་ཏུ་ཁྱབ།། ཡེ་ནས་གཅིག་གི་ངང་དུ་འདུས།། བྱས་ན་འཆིང་བའི་ལམ་ཡིན་ལ།། མ་བསྒྲུབས་འདུ་འབྲལ་མེད་པར་བསྟན།། ཡེ་ནས་ཡིན་པས་བདེ་ཆེན་དེ།། གནས་ལ
214b3 ཆགས་པ་མེད་པས་ན།། འདུས་ལས་མ་བྱས་སྣང་བ་སྟེ།། ཀུན་ལ་ཁྱབ་པས་སྤྲོ་བསྡུ་མེད།། གང་ཡང་མ་འགགས་སོ་སོར་གསལ།། མ་ལུས་འདུས་པའི་རྒྱན་དུ་ཆེ།། རག་མ་ལུས་པའི་རྒྱ་མདུད་དེ།། གཞན་གྱིས
214b4 བཅོས་སུ་མེད་པ་ཡིས།། སྤྲུལ་པའི་རྒྱ་མཚོ་ཐམས་ཅད་ཀུན།། གཞི་རྩ་མེད་པའི་ངང་དུ་བཞག། སུས་ཀྱང་མ་བྱས་ཉིད་ལ་འདུས།། རིན་པོ་ཆེ་དང་མཉམ་པ་སྐྱེ་བ་མེད་པའི་རྒྱུད་ལས། ཀུན་འདུས་རིག་པའི་ལེའུ་སྟེ
214b5 བདུན་པའོ།། །། དེ་ནས་བཅོམ་ལྡན་བཀའ་སྩལ་པ།། མ་བཅོས་བདེ་བ་ཆེན་པོའི་དོན།། འདི་ལ་སྐྱེ་ཤི་མེད་པས་སྲོག། ཀུན་ནས་མ་བསྒྲིབས་བྱང་ཆུབ་སེམས།། སྣང་སྲིད་འདུ་འབྲལ་མེད་པས་སྲོག། དུས་གསུམ
214b6 མ་བསྒྲིབས་བྱང་ཆུབ་སེམས།། འཕོ་འགྱུར་གཉིས་སུ་མེད་པའི་སྲོག། སྲོག་གི་འཁོར་ལོ་སྲིད་གསུམ་བསྐོར།། འབྱུང་ལྔ་ཡུམ་གྱི་བྷ་གའི་ཀློང་།། འདི་རུ་སྣང་སྲིད་རྫོགས་སངས་རྒྱས།། སངས་རྒྱས་ཉིད་ལ་སྐྱེ་ཤི
iiif viewer powered by OpenSeadragon
