| e-texts navigator |
| Wylie |
214a1 སྟེ།། བསོད་ནམས་དམ་པའི་གཞིར་འགྱུར་རོ།། དུས་གསུམ་རྒྱལ་བ་ཐམས་ཅད་ཀུན།། མཉམ་པའི་དབྱིངས་སུ་བཀོད་པས་ནི།། འདུ་འབྲལ་མེད་པའི་ངང་ལ་གནས།། མ་ལུས་སངས་རྒྱས་ས་རུ
214a2 བརྟགས།། རིན་པོ་ཆེ་དང་མཉམ་པ་སྐྱེ་བ་མེད་པའི་རྒྱུད་ལས། རྩེ་མོ་བྱུང་རྒྱལ་གྱི་ལེའུ་སྟེ་དྲུག་པའོ།། །། དེ་ནས་བཅོམ་ལྡན་བཀའ་སྩལ་པ།། སྣ་ཚོགས་གཅིག་ཏུ་འདུས་པའི་ངང་།། འབྱུང་བ་བཞི་ཉིད་ནམ་མཁར
214a3 འདུས།། ནམ་མཁའ་དཔེ་བསྟན་བྱང་ཆུབ་སེམས།། རིག་པ་རང་ལ་རྫོགས་པས་ན།། ཀུན་འདུས་རྒྱལ་པོ་རང་སྨྲའོ།། ལྟ་བའི་ཀློང་ཆེན་ཨ་ཏི་ལས།། ཐེག་པ་སོ་སོའི་དོན་བརྗོད་ནས།། གྲུབ་པ་གཅིག་ཏུ་ངེས་པར
214a4 འདུས།། ཡིད་ལ་མ་ཡེངས་བརྗོད་མེད་བཞག། མ་ལུས་སངས་རྒྱས་སེམས་སུ་འདུས།། རྩ་བ་བྲལ་བའི་སེམས་ཉིད་དེ།། སུས་ཀྱང་མ་བྱས་ཡེ་ནས་གནས།། མི་འགྱུར་ལྷུན་གྱིས་གྲུབ་པ་ཡི།། ཡང་དག་ཆོས་ཉིད
214a5 དབྱིངས་ཀྱི་ཀློང་།། རྒྱུ་ལ་རག་མ་ལུས་པའི་སེམས།། བདེ་ཆེན་འདུ་འབྲལ་མེད་པའི་ལམ།། འབྲས་བུ་རང་ལ་རྫོགས་པས་སུ།། སྣང་སྲིད་ཐམས་ཅད་ཡེ་སངས་རྒྱས།། བདག་དང་བྲལ་བས་འཁོར་བ་ཆོད།། དཔལ
214a6 ལྡན་སྐུ་གསུམ་རང་བྱུང་བདེ།། སངས་རྒྱས་མ་ལུས་དབྱིངས་སུ་གཅིག། སྐྱེ་མེད་དོན་ལ་ཐབས་ཀྱི་འདུས།། མ་སྤྲོས་ངང་དུ་གྲོལ་པས་ན།། ཐམས་ཅད་ཐུགས་རྗེའི་ཐབས་ཀྱིས་བཏུལ།། གཅིག་ལས་མེད་པའི་རིན
iiif viewer powered by OpenSeadragon
