| e-texts navigator |
| Wylie |
213b1 ཀ་བདེ་ཆེན་པོ།། རྗེ་བཙན་དམ་པ་བྱང་ཆུབ་སེམས།། འཁོར་བ་མྱང་འདས་གཉིས་མེད་དེ།། ཇི་ལྟར་བལྟས་པས་བྱང་ཆུབ་སེམས།། ཡེ་སངས་རྒྱས་པས་ཆོས་ཀྱི་སྐུ།། རིན་པོ་ཆེ་དང་མཉམ་པ་སྐྱེ་བ་མེད་པའི་རྒྱུད
213b2 ལས། རྗེ་བཙན་དམ་པའི་ལེའུ་སྟེ་ལྔ་པའོ།། །། དེ་ནས་བཅོམ་ལྡན་བཀའ་སྩལ་པ།། ནམ་མཁའ་འབྱུང་བ་ཀུན་གྱི་རྩེ།། ཀུན་བཟང་ཆོས་རྣམས་ཀུན་གྱི་རྩེ།། སྐྱེ་འགག་མེད་པས་འཁོར་བ་ཀུན་གྱི་རྩེ།། དྲན་རྟོག
213b3 མེད་པས་བསྒོམ་པའི་རྩེ།། ཐམས་ཅད་ཡོངས་ལས་རྒྱལ་བ་ནི།། རྩེ་མོ་བྱུང་རྒྱལ་ཞེས་བཤད་དོ།། དེ་ཉིད་བྱང་ཆུབ་སེམས་ཡིན་ཏེ།། འབྲས་བུ་རང་ལ་རྫོགས་པའི་ཕྱིར།། རྩེ་མོ་བྱུང་རྒྱལ་དང་ཉིད་སྨྲ།། མ་སོང་གནས
213b4 ཕྱིན་ལམ་གྱི་རྩེ།། འདུ་འབྲལ་མེད་པའི་ངང་ཉིད་ལས།། དུས་གསུམ་མི་འབྲལ་ས་རུ་གནས།། བསྲུང་མཚམས་ཀུན་ལས་རྒྱལ་བས་ན།། དམ་ཚིག་ཀུན་གྱི་རྩེ་མོར་བཤད།། བླང་དོར་མེད་པའི་སྤྱོད་པ་ནི།། རྒྱལ་ཆེན
213b5 གང་ཡང་མ་སྤངས་རྩེ།། མི་འགྱུར་ལྷུན་གྲུབ་བལྟ་བ་ནི།། རིག་པ་སྤྲོས་བྲལ་མཉམ་པའི་རྒྱལ།། གང་ཡང་འབྱེད་པ་མེད་པས་ན།། གདགས་པའི་ཐ་སྙད་ཀུན་ལས་འདས།། དོན་ལ་དབྱེར་མེད་བལྟ་བའི་རྩེ།། སྣང
213b6 སྲིད་གསལ་བའི་བྱང་ཆུབ་སེམས།། འདུ་འབྲལ་མེད་པས་ཡོངས་སུ་ཁྱབ།། ཀུན་ལ་གསལ་བས་བཀག་པ་མེད།། སྣང་སྲིད་མ་འགགས་ཡེ་ཤེས་རྩེ།། རྒྱུ་འབྲས་གཉིས་མེད་ཕྱེ་བ་ཡིས།། ཚོགས་མཆོག་དམ་པ་ཆེན་པོ
iiif viewer powered by OpenSeadragon
