| e-texts navigator |
| Wylie |
213a1 དང་བྲལ་བས་སྤྲོས་མེད་ཀློང་།། སྐྱེ་ཤི་མེད་པའི་བྱང་ཆུབ་སེམས།། ནམ་མཁའི་རྒྱལ་པོར་ཡེ་ནས་སྣང་།། རྒྱུ་ལས་མ་བྱུང་འབྲས་བུ་དང་།། ལུང་ལས་མ་བྱུང་མན་ངག་སྟེ།། སེམས་ལས་མ་བྱུང་ཆོས
213a2 ཉིད་ནི།། མི་ནུབ་ནམ་མཁའི་རྒྱལ་པོར་སྨྲ།། སྣང་སྲིད་ཀུན་ཁྱབ་མ་ལུས་གནས།། སངས་རྒྱས་ཀུན་རྒྱལ་ཀུན་གྱི་ཡབ།། མི་ནུབ་གཏེར་འཛིན་དུས་གསུམ་ཁྱབ།། ངང་དངས་རང་བཞིན་ལྷུན་གྱིས་རྫོགས།། སྲིད
213a3 གསུམ་མ་ལུས་ནམ་མཁར་རྫོགས།། སྐྱེ་འགྲོ་སེམས་ཀྱི་སྤྲུལ་པར་རྫོགས།། ཅི་ལྟར་སྣང་བ་བདེ་བ་ཉིད། རིན་པོ་ཆེ་དང་མཉམ་པ་སྐྱེ་བ་མེད་པའི་རྒྱུད་ལས། ནམ་མཁའི་རྒྱལ་པོའི་ལེའུ་སྟེ་བཞི་པའོ།། །། དེ་ནས
213a4 བཅོམ་ལྡན་བཀའ་སྩལ་པ།། བྱང་ཆུབ་སེམས་མཆོག་རྗེ་བཙན་དམ།། ང་ཡི་ཐུགས་ནས་བཏོན་ཏེ་བཤད།། སྐྱོན་གྱི་སྒོར་མེད་གདོད་ནས་དག། མ་བཙལ་བཞག་ན་བསྒོམ་པའི་མཆོག། འགྲོ་ཀུན་གནས་པའི་བྱང
213a5 ཆུབ་སེམས།། མི་འགྱུར་རྗེ་བཙན་ཆོས་ཀྱི་སྐུ།། ངང་གནས་མི་ནུབ་རྡོ་རྗེའོ།། སྣང་དང་མི་སྣང་གཉིས་མེད་དེ།། བདེ་ཆེན་ཡོངས་རྫོགས་རྗེ་བཙན་སྒྲ།། ཡ་མཚན་མཁའ་ལ་རིག་པའི་ཐུགས།། སྒྲ་བསམ་ཡུལ་ལས
213a6 ཤིན་ཏུ་འདས།། དམིགས་མེད་དོན་རྟོགས་ཆོས་ཀྱི་རྗེ།། སྣང་བའི་ཡུལ་ལ་གང་གནས་ཀྱང་།། རྗེ་བཙན་སྐུ་ལས་གཡོས་པ་མེད།། ཡི་གེ་འབྲུ་ལ་རྟོག་པ་རྣམས།། རྗེ་བཙན་དོན་ལས་ཉམས་ཏེ་དམན།། ཕྱི་ནང་གཉིས
iiif viewer powered by OpenSeadragon
