| e-texts navigator |
| Wylie |
212b1 ལ།། སྙིང་པོ་འཁོར་བ་ལས་སྒྲོལ་བས།། ནམ་མཁའི་རྒྱལ་པོ་ཡིན་པར་བྱ།། རྫོགས་པའི་རྫོགས་ཆེན་ཨ་ཏི་ནི།། ཐེག་པ་ཀུན་རྫོགས་ནམ་མཁའི་ངང་།། འཁོར་བ་གཅོད་པའི་རྒྱལ་པོ་འདི།། མ་ལུས་ཡེ་སངས་རྒྱས
212b2 པར་གསལ།། དོན་ལ་བཙལ་མེད་རྒྱལ་པོ་ཡིན།། སེམས་ལ་དོགས་མེད་ཀུན་གྱི་བླ།། རང་བྱུང་གདོད་ནས་རྣམ་པར་དག། འདི་རྟོགས་མཉམ་པའི་རྒྱལ་པོ་ཐོབ།། དམིགས་དང་བྲལ་བས་བསྒོམ་པ་ཡིན།། ལས་ལས
212b3 བྱུང་བའི་སེམས་ཅན་དེ།། དུས་ལ་བབ་པའི་རྣལ་འབྱོར་པས།། ལས་ཉིད་ཐུགས་རྗེར་ཤེས་པར་བྱ།། ཐུགས་རྗེ་ཆེན་པོའི་ཐབས་ཀྱིས་བསྒྲལ།། མ་བཙལ་དབྱིངས་སུ་ཐིམ་པ་ཡིས།། དོན་དམ་སྤྲོས་བྲལ་ནམ་མཁའ
212b4 དེ།། གཞན་ལས་མི་འབྱུང་ཐབས་ཀྱིས་འགྲུབ།། ཐམས་ཅད་དམིགས་མེད་བདེ་བའི་ཀླུང་།། སྲིད་གསུམ་ནོན་པས་དུག་གསུམ་ཆོད།། དབང་པོ་ཡུལ་ལས་འཕྲོས་པ་རྣམས།། ཐམས་ཅད་གཅིག་གི་ངང་དུ
212b5 གསལ།། ཐམས་ཅད་ཡེ་བརྡལ་ཆེན་པོ་ལ།། སྤྲོ་བསྡུ་བྱེད་པས་འཆིང་བའི་རྒྱུ།། བླ་མེད་བྱང་ཆུབ་ཡོངས་ལ་ཁྱབ།། སྲིད་པའི་གདར་ཤ་བཅད་པ་ཡིས།། འཆི་བདག་བདུད་ལས་རྣམ་པར་ཐར།། བདུད་བཞི་བཅོམ
212b6 པས་འཁོར་བ་མེད།། དངོས་ཉིད་དག་པ་རང་བྱུང་དེ།། བདེ་བ་གཞན་དུ་མི་འཚོལ་ཞིང་།། རིག་པ་གསལ་ལ་གསལ་འདེབས་ཏེ།། ལོགས་ནས་འབྱུང་བའི་རྒྱུ་མེད་དོ།། གཞི་རྩ་མེད་པའི་ནམ་མཁའ་ནི།། གདགས
iiif viewer powered by OpenSeadragon
