| e-texts navigator |
| Wylie |
209b1 རྣམ་པར་བཤད།། གོལ་སྒྲིབ་རྣམ་པ་གསུམ་དུ་བཤད།། ཕྱི་བར་གོལ་དང་ནང་པར་གོལ།། རྒྱུ་འབྲས་ཆོས་ནི་བཀག་པ་མེད།། བཞི་ཚན་གསུམ་ལ་འཆོལ་བར་བཀྲལ།། ཡེ་ཤེས་སྒྱུ་མ་གཉིས་སུ་བཤད།། རྟོགས
209b2 ན་ཐུགས་རྗེ་ཞོར་འབྱུང་དང་།། ལྷུན་གྲུབ་རང་ལ་འབྱུང་བའོ།། བཞི་བཞག་ཐོག་མཐའ་བཞི་བཞི་ཡིན།། ངོ་བོ་རྨད་བྱུང་གཉིས་སུ་བསྟན།། ཆོས་ཉིད་མཚོན་དུ་མེད་པ་དང་།། ཟབ་མོ་བཞི་ཡི་གདམས་ངག་གོ།། བཞི
209b3 བཞི་ལ་ནི་སྦྱར་ལ་བཤད།། མཛད་པ་ཕྲིན་ལས་བཞིར་བཤད་དེ།། དག་པའི་ལམ་ཆེན་ཀུན་ལ་ཁྱབ།། མ་ཤེས་བསླད་པས་འགྲོ་བ་འཁྲུལ།། རྟོགས་ཏེ་ཤེས་ན་མངོན་སངས་རྒྱས།། དེ་ཡི་ཡོན་ཏན་ཕྲིན་ལས
209b4 རྫོགས།། གཉིས་དང་གཅིག་སྟེ་གསུམ་དང་དྲུག། གོ་རིམ་བཞིན་དུ་སྦྱར་ཏེ་བཤད།། དེ་ནས་ཡང་དག་བཤད་པར་བྱ།། ཀུན་གཞི་རྣམ་པ་གསུམ་དུ་བསྟན།། གནས་པ་གཞི་ཡི་ཀུན་གཞི་དང་།། སྦྱོར་བ་དོན་གྱི་ཀུན
209b5 གཞི་དང་།། ལྡོག་པ་དུས་ཀྱི་ཀུན་གཞིའོ།། གནས་པ་གཞི་ལ་བཅུ་གཅིག་སྟེ།། དཀྱིལ་འཁོར་དགོད་དུ་མེད་པ་དང་།། རིམ་པ་བསྒྱུར་དུ་མེད་པ་དང་།། མཆོད་པ་བསྔོ་རུ་མེད་པ་དང་།། ཚོགས་ལ་བསག་ཏུ་མེད་པ
209b6 དང་།། སྨོན་ལམ་བསྔོ་རུ་མེད་པ་དང་།། བདུད་རྩི་སྦྲང་དུ་མེད་པ་དང་།། ལྷ་ལ་བསྒོམ་དུ་མེད་པ་དང་།། སྡིག་པ་བཤག་ཏུ་མེད་པ་དང་།། ཟང་སྐུ་དགྲམ་དུ་མེད་པ་དང་།། དངོས་གྲུབ་བསྒྲུབ་ཏུ་མེད་པ་དང་།། ཐམས
iiif viewer powered by OpenSeadragon
