| e-texts navigator |
| Wylie |
208a1 ཡང་དག་བཤད་པར་བྱ།། ཡོངས་སུ་རྒྱས་པ་དྲུག་ཏུ་བཤད།། ལྟ་བ་སྒྱུ་མ་ལྟ་བུར་ཆེ།། བསྒོམ་པ་རྒྱ་མཚོ་ལྟ་བུར་ཆེ།། སྤྱོད་པ་ཁྱུང་ཆེན་ལྟ་བུར་ཆེ།། འབྲས་བུ་ཀུན་བཟང་ལྟ་བུར་ཆེ།། གོལ་ས་ནམ
208a2 མཁའ་ལྟ་བུར་ཆེ།། ཀུན་གཞི་སྣང་བ་ལྟ་བུར་ཆེ།། དང་པོ་ལ་ནི་གསུམ་དུ་བཤད།། ཐེག་པ་དྲུག་གི་ལ་བཟླ་དང་།། ཨ་ཏི་ཡོ་གའི་འདུག་ཚུལ་དང་།། ཟབ་མོ་ཆོས་ཀྱི་འཆར་སྒོའོ།། དང་པོ་གཞི་མིན་གཞི་ཚད
208a3 གསུམ།། གསུམ་པོ་རིམ་གྱིས་སྦྱར་བར་བྱ།། དེ་འོག་བདུན་གྱིས་སྤྱོད་པ་སྟེ།། དེ་བཞིན་བརྒྱད་ལ་བསྒོམ་པར་བྱ།། འབྲས་བུ་ལ་ནི་གཉིས་སུ་བཤད།། དང་པོ་གཞི་བཞག་སྐུ་བཞི་ལ།། ཀུན་བཟང་མན་ཆད་བཅུ་བཞི
208a4 ནི།། ཐུགས་རྗེར་བསྟན་ཏེ་དབྱེ་ན་གསུམ།། རྟེན་འབྲེལ་ཆོས་དང་འགྲོ་བའི་ཆོས།། འཇིག་རྟེན་ཆོས་དང་བཞི་ཚེ་གསུམ།། རིམ་གྱིས་སྦྱར་ཏེ་ཀུན་བཟང་གཉིས།། གསུམ་པོའི་མགོ་ལ་རྣམ་པར་བརྒྱན།། གོལ་ས་དེ
208a5 འོག་བདུན་ཡིན་ཏེ།། ཀུན་ཀྱི་ཐ་མའི་གཞི་ལ་བཀྲལ།། དེ་ནས་ཡང་དག་བཤད་པར་བྱ།། ཤིན་ཏུ་རྒྱས་པ་དྲུག་ཡིན་ཏེ།། བལྟ་བ་ཆོས་ཉིད་ཐིག་ལེ་དང་།། བསྒོམ་པ་དབྱིངས་ཀྱི་ཐིག་ལེ་དང་།། སྤྱོད་པ་རྣམ་དག་ཐིག
208a6 ལེ་དང་།། འབྲས་བུ་ཀུན་བཟང་ཐིག་ལེ་དང་།། ཐུགས་རྗེ་ཡེ་ཤེས་ཐིག་ལེ་དང་།། ཀུན་གཞི་ལྷུན་གྲུབ་ཐིག་ལེའོ།། དེ་ལ་བལྟ་བ་གཉིས་སུ་བཤད།། སྐུ་གསུམ་རང་ཆས་བལྟ་བ་དང་།། ཐུགས་རྗེ་རང་བྱུང་བལྟ
iiif viewer powered by OpenSeadragon
