| e-texts navigator |
| Wylie |
200a1 ཆད་ཕྱོགས་ལྷུང་མེད་པའི་ཕྱིར།། རེ་ཞིག་རྫོགས་ཆེན་རོལ་པར་མཚོན།། སེམས་དཔའ་རྡོ་རྗེ་ཁྱོད་ལ་གཏད།། སེམས་དཔའ་ཆེན་པོ་འདི་ལྟ་སྟེ།། སློབ་དཔོན་སྙིང་བཏོན་གདམས་ངག་ཐོབ།། མཚམས
200a2 མེད་གསུམ་གྱིས་རྫོགས་སངས་རྒྱས།། ཕ་མ་བསད་པས་འབྲས་བུ་སྟེང་།། ལྷ་བས་དམྱལ་བ་ཤིན་ཏུ་ཆེ།། སྣང་བ་ཐམས་ཅད་རྫུན་ལམ་ཁྱེར།། ཅི་སྤྱོད་མོ་གཤམ་བུ་བཞིན་སྤྱོད།། འཁོར་བའི་ཆོས་ལ་ཆགས
200a3 པ་སྤྱད།། བྱ་ལམ་ཁམས་སུ་གཅིག་པུ་སྡོད།། འགྲོ་དྲུག་མ་གཏོགས་སེམས་ཅན་གཉིས།། སྦྲུལ་སྐུ་དམྱལ་བའི་གནས་སུ་འགྲོ།། གང་གཱའི་ཆུ་དང་སིནྡྷུའི་མཚོ།། ཁྱོད་ཀྱིས་རྟག་ཏུ་བསྲེས་ལ་འཐུང་།། ཡུམ་གྱི་བྷ་ག་རྟག
200a4 ཏུ་ལྟོས།། བཙུན་མོ་དེས་ཀྱང་མེ་ལོང་སྟོན།། ལྡེམ་པོར་དགོངས་པ་མགོ་བར།། སྒྲ་བཞིན་སྤྱད་ན་ལོག་པའི་ལམ།། རྡོ་རྗེ་སེམས་དཔའ་དཔའ་བོ་ཆེ།། འདས་པའི་དུས་ན་སྔོན་བྱུང་དང་།། དུས་གསུམ་འབྱུང་བའི
200a5 སངས་རྒྱས་རྣམས།། ཏིང་འཛིན་རྒྱ་མཚོ་འདི་ལས་འབྱུང་།། རྦ་རླབས་མེད་པའི་མཉམ་ཉིད་མཚོ།། རྙོག་པ་མེད་པའི་དྲི་མེད་ཆུ།། གདོད་ནས་དག་པའི་བདུད་རྩི་འདིས།། ཁམས་གསུམ་འཁོར་བའི་དྲི་མ་འཁྲུད།།
200a6 ནས་རྡོ་རྗེ་སེམས་དཔའ་ཡིས།། ཆེད་དུ་བརྗོད་པ་འདི་བརྗོད་དོ།། ཀུན་རིག་ཐུགས་ཀྱི་དཔལ་བེའུ་ནས།། ཟབ་མོ་བདུད་རྩི་ལྟ་བུའི་ཆོས།། ཆོས་ཉིད་བྱིན་གྱིས་བརླབས་པ་ཡིས།། རྙོག་མེད་རྒྱ་མཚོའི་ཀློང་སྟོན
iiif viewer powered by OpenSeadragon
